Jeremias 46:21 - Marahay na Bareta Biblia

²¹ Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 46:21 ပူးပေါင်းရင်းမြစ်များ

2 Samuel 10:6

Kan nahiling kan mga Ammonita na nagin kaiwal ninda si David, tinandanan ninda an beynte mil na soldados nin Siria hale sa Bet-rehob asin sa Zoba, an dose mil na kalalakihan hale sa Tob, asin an hade nin Maaca, kaiba an sangribong tawohan niya.

2 Mga Hade 7:6

Huli ta ginibo nin Kagurangnan na madangog kan mga Siro an ribok nin dakulang hukbo, nin mga kabayo asin karwahe. Naghona an mga Siro na tinandanan kan hade nin Israel an mga hadeng Heteo saka Egipcio tanganing salakayon sinda.

Salmo 37:13

Alagad nginingisihan nin Kagurangnan an mga maraot na tawo, huli ta aram niyang madali na sindang magadan.

Mga Talinhaga 15:17

Mas marahay pang magkakan nin gulay kaiba an saimong mga namomotan ki sa magkakan nin masiram na karne na igwa nin kaanggotan.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 34:7

Magagadan an mga tawo kaiba kan mga lalaw na baka saka mga torilyo, asin an daga mapapano nin dugo saka taba.

Jeremias 18:17

Iwawarak ko an sakong banwaan sa atubang kan saindang mga kaiwal, arog sa alpog na ipinapalid kan doros hale sa sirangan. Tatalikodan ko sinda; dai ko sinda tatabangan sa panahon nin saindang kasakitan.”

Jeremias 46:22

Nagdudulag an Egipto, na arog sa nagdudulag na halas, huli ta nagdadangadang an hukbo kan kaiwal. Sinasalakay siya ninda kan dara nindang mga patok, arog sa mga lalaking nagpapalod nin mga kahoy,

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Jeremias 46:9

Magdalagan kamo, mga kabayo asin mga karwahe. Magsalakay kamo, mga soldados: mga lalaking taga Etiopia saka Libya na may darang mga kalasag, asin kamong mga taga Lydia na eksperto sa pagpana.’”

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Jeremias 49:8

Mga taga Dedan, magdulag saka magtago kamo. Roronoton ko an mga kapagarakian ni Esau huli ta nag-abot na an panahon tanganing padusahan ko sinda.

Jeremias 50:11

Nagsasabi an Kagurangnan, “Mga taga Babilonia, kamo an nanamsam sa sakong nasyon. Maogma kamo saka magayagaya, garo mga bakang nakaluwas sa toril, asin naghahalinghing na garo mga lalaking kabayo,

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Ezekiel 30:22

Kaya ini an itinataram ko, na Kagurangnan Dios: Kalaban ko an hade nin Egipto. Babarion ko an duwa niyang braso—an makosog niyang braso saka an brasong dati nang bari—dangan mabubutasan niya an espada.

Ezekiel 35:5

“Danay na kaiwal ka nin Israel asin pinabayaan mong magkagaradan an mga namamanwaan diyan sa panahon nin saindang kasakitan, an panahon nin huring pagpadusa sainda huli kan saindang mga kasalan.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Amos 6:4

Herak man saindo na naghihigda sa magagayon na higdaan, mantang nagpapakabasog sa pagkakan kan karne nin mga kordero saka mga ogbon na baka!

Obadias 1:13

Dai ka kutana naglaog sa syudad nin sakuyang banwaan, tanganing pagngisihan an saindang pagtios, asin tanganing habonon an saindang mga kayamanan sa aldaw nin saindang kasakitan.

Mikas 7:4

Maski an pinakamarahay saka pinakaonesto sa sainda garo mga tonok na mayo nin halaga. Nag-abot na an aldaw kan pagpadusa nin Dios sa mga tawo, siring kan saiyang ipinatanid sainda sa paagi kan saindang mga parabantay, an mga propeta. Ngunyan, nagkakariribong sinda.

Mateo 22:4

Nagsugo naman siya nin ibang mga sorogoon na tinugon, ‘Sabihan nindo an mga imbitado na andam na an bangkete; ipinabuno ko an mga pinatabang baka asin andam na an gabos. Kaya magdigdi na sinda sa bangkete!’

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.