Jeremias 46:19 - Marahay na Bareta Biblia

¹⁹ Mga taga Egipto, andama nindo an saindong sadiri sa pagkabihag! An Memfis magigin sarong desyerto, sarong raot na lugar na mayo nin mag-eerok.

Jeremias 46:19 ပူးပေါင်းရင်းမြစ်များ

Isaias 19:13

Lolong an mga lider nin Zoan saka Memfis. Sinda kutana an nangenot sa nasyon alagad sainda ining linagalag.

Isaias 20:4

Hurubang dadarahon kan hade nin Asiria an mga bilanggo na saiyang nabihag hale sa duwang nasyon na ini. Aki asin gurang, malakaw sinda na mayong sandalyas saka huba, mayong tahob an lubot na magdadara nin kasosopgan sa Egipto.

Jeremias 26:9

Tadaw ta nagsabi ka sa ngaran nin Kagurangnan na an Templong ini makakaarog sa Shilo, na raraoton an syudad na ini saka mayo nin mag-eerok digdi?” Dangan pinalibotan ako kan mga tawo.

Jeremias 34:22

Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 44:1

Nagtaram sako an Kagurangnan manongod sa gabos na Israelita na nag-eerok sa Egipto, sa mga syudad nin Migdol, Tafanhes, Memfis, saka sa habagat na parte kan daga.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 48:18

Kamong nag-eerok sa Dibon, bumaba kamo hale sa saindong kamurawayan saka magtukaw kamo sa matagas na daga; uya na an marumpag kan Moab asin binayaan niyang raot an mga bantayan.

Ezekiel 29:11

Mayo nang maagi diyan maski tawo o hayop. Sa laog nin kwarentang taon, mayo nin maerok diyan.

Ezekiel 29:12

An Egipto gigibohon kong pinakamamondong daga sa kinaban. Sa laog nin kwarentang taon, magigin rumpag an mga syudad nin Egipto, orog pang rumpag ki sa arin man na syudad. An mga Egipcio iwawarak ko sa mga nasyon, asin mag-eerok sinda sa tahaw nin ibang mga nasyon.”

Ezekiel 30:13

Nagtataram an Kagurangnan Dios, “Raraoton ko an mga ladawan asin an mga dios-dios sa Memfis. Mayo na nin maghahade sa daga nin Egipto asin tatakoton ko an gabos na tawo.

Oseas 9:6

Kun mag-abot an kasakitan asin mawarak an banwaan, titiponon sinda kan mga taga Egipto tanganing ilubong duman sa Memfis! An mga lugar na natutugdokan kan saindang mga harong saka an mga mahalagang bagay ninda na gibo sa plata tataluboan nin doot asin binit.

Sofonias 2:5

Magagadan kamong mga Filisteo, kamo na mga nag-eerok sa tampi kan dagat. Hinukoman na kamo kan Kagurangnan. Gagadanon niya kamo asin mayo nin siisay man na matatada saindo.