Jeremias 46:15 - Marahay na Bareta Biblia

¹⁵ Tadaw ta nagdulag si Apis, an makosog nindong dios-dios? Tadaw ta dai na siya nakatindog? Huli ta ibinagsak siya nin Kagurangnan!’

Jeremias 46:15 ပူးပေါင်းရင်းမြစ်များ

Salmo 18:14

Nagpana siya asin nagkawararak an saiyang mga kaiwal; pinakikilat niya asin nagdurulag sinda.

Salmo 18:39

Pinakosog mo ako sa pakikilaban; an mga kaiwal ko tinumba mo sa sakong pamitisan.

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 68:1

Tumindog logod an Dios, makawarak logod an saiyang mga kaiwal; dumulag logod an mga naoongis saiya!

Salmo 68:2

Siring na an aso ipinapalid, alawon mo logod sinda; siring na an taro natutunaw sa kalayo, an tampalasan mapara logod sa atubang nin Dios!

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Deuteronomio 11:23

Dangan sa pagdangadang nindo, papahaleon niya an gabos na nasyon, tanganing masakop nindo an daga na sadiri kan mga nasyon na mas darakula asin mas mapangyari ki sa saindo.