Jeremias 46:12 - Marahay na Bareta Biblia

¹² Nabaretaan kan mga nasyon an kasosopgan mo; nadangog nin lambang saro an saimong kinurahaw. Nabangga kan sarong soldados an kapwa niya soldados, asin sabay sindang natumba.

Jeremias 46:12 ပူးပေါင်းရင်းမြစ်များ

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 19:2

Nagtataram an Kagurangnan, “Papag-iriwalon ko an mga Egipcio; maglalaban sinda, an lambang lalaki laban sa saiyang tugang na lalaki asin sa saiyang kataed; syudad laban sa syudad, kahadean laban sa kahadean.

Isaias 24:11

Nagkukurahaw an mga tawo sa mga tinampo huli ta mayo na nin arak. Sagkod pa man mayo nang kaogmahan; nawara na iyan sa daga.

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 46:6

Alagad dai nakakaharayo an mga marikas magdalagan; dai nakakadulag an mga soldados. Natumba sinda saka nagadan sa may Salog nin Eufrates, sa parteng amihan.

Jeremias 47:2

An sabi niya: “Hilinga! An katubigan nag-iitaas sa amihan saka magsusupay iyan arog kan nagbabahang salog. Malalantopan kaiyan an daga asin an gabos na yaon diyan, an mga syudad saka an mga tawo na nag-eerok diyan. Mahagad nin tabang an mga tawo; mapait na magtatangis an lambang nag-eerok sa kinaban.

Jeremias 48:34

Nagkukurahaw an Hesbon saka Eleale, asin an kinurahaw ninda nakakaabot sa Jahaz; nadadangog iyan magpoon sa Zoar sagkod sa Horonaim saka Eglat-selisiya. Huli ta nagmara maski an tubig kan Sapa nin Nimrim.

Jeremias 49:21

Sa ribok kan pagbagsak kan Edom, makonogkonog an bilog na daga, asin an kinurahaw huli sa takot madadangog sagkod sa Dagat na Pula.

Jeremias 50:46

Sa ribok kan pagbagsak kan Babilon, makonogkonog an bilog na daga, asin an saiyang kinurahaw huli sa takot madadangog kan ibang mga nasyon.”

Jeremias 51:54

Nagsasabi an Kagurangnan, “Hinanyoga nindo an tingog nin pagtangis sa Babilon, an tingog nin pagmondo huli sa pagkaraot kan daga.

Nahum 2:5

Ipinaapod na an mga opisyal; nagkakaturumba sinda mantang nagpapaenotan. Nagdadalagan pasiring sa kudal an mga parasalakay asin inaandam na ninda an kagamitan na panggaba kan kudal.

Sofonias 1:10

“Sa aldaw na idto,” an sabi nin Kagurangnan, “madadangog nindo an paghibi sa Trangkahan nin Sira sa Jerusalem. Madadangog nindo an inagrangay sa bagong kabtang kan syudad asin an dakulang ribok nin pagkarumpag sa kabubuldan.

1 Samuel 5:12

Maski idtong dai nagkagaradan nagkaigwa nin mga tumor, kaya nag-agrangay an mga tawo sa saindang mga dios.