Jeremias 46:10 - Marahay na Bareta Biblia

¹⁰ An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Jeremias 46:10 ပူးပေါင်းရင်းမြစ်များ

2 Mga Hade 24:7

An hade nin Egipto dai na nanggad naghale sa daga nin Egipto, huli ta sakop na ngunyan kan hade nin Babilonia an gabos na teritoryo na sadiri kan Egipto, magpoon sa Salog nin Eufrates sagkod sa amihan na pagdolonan nin Egipto.

An Libro ni Job 24:1

“Tadaw ta dai magtalaan an Dios nin panahon sa paghukom, sarong aldaw nin katanosan para sa mga naglilingkod saiya?

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 31:8

Madadaog an Asiria sa gera, alagad bako huli sa kapangyarihan nin tawo. Madurulag sa gera an mga taga Asiria asin magigin mga oripon an saindang mga hoben na lalaki.

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Isaias 63:4

Napaghorophorop ko na duminatong na an panahon tanganing iligtas an sakong banwaan; panahon tanganing padusahan an saindang mga kaiwal.

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 46:2

An enot iyo an manongod sa Egipto, sa hukbo ni Neco na hade nin Egipto, na dinaog ni Hadeng Nebukadnezzar nin Babilonia sa Carkemis na harani sa Salog nin Eufrates kan ikaapat na taon kan paghahade ni Jehoiakim sa Juda:

Jeremias 46:6

Alagad dai nakakaharayo an mga marikas magdalagan; dai nakakadulag an mga soldados. Natumba sinda saka nagadan sa may Salog nin Eufrates, sa parteng amihan.

Jeremias 50:15

Kumurahaw kamo nin panggagana laban saiya sa palibot kan syudad! Nagsuko na an Babilon; bagsak na an saiyang bantayan asin rumpag na an saiyang mga kudal. Huli ta iyo ini an pagbalos ko. Balosa nindo siya; giboha nindo saiya an ginibo niya sa iba.

Jeremias 50:18

Huli kaini, ako, an Kagurangnan nin mga hukbo, an Dios nin Israel, an mapadusa ki Hadeng Nebukadnezzar nin Babilonia asin sa saiyang nasyon, siring na ako an nagpadusa sa emperador nin Asiria.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Ezekiel 21:28

“Aki nin tawo, magpropesiya ka asin ipahayag mo an itinataram ko, an Kagurangnan Dios, sa mga Ammonita, na nagtutuyatuya sa Israel. Sabihan mo sinda: Sarong espada an hinugkot tanganing manggadan. Pinakintab iyan tanganing ipanggadan, asin tanganing magsilyab arog sa kikilat.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Joel 2:1

Huyopa an trompeta; patanoga an alarma sa Sion, an banal na bulod nin Dios. Pagtakig, banwaan nin Juda! Nagdadangadang na an aldaw nin Kagurangnan.

Zacarias 6:6

An karwaheng guyod kan itom na mga kabayo nagpapasiring sa Babilonia, an puting mga kabayo nagpapasiring sa solnopan, asin an kabang na mga kabayo nagpapasiring sa daga sa habagat.

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.

Deuteronomio 32:42

Ipapainom ko sa sakong pana an saindang dugo. Kakakanon kan sakong espada an laman kan gabos na minasuhay sako. Mayo akong itatada sa mga minalaban sako; magagadan maski an mga nalugadan asin an mga bilanggo.’