Jeremias 45:5 - Marahay na Bareta Biblia

⁵ Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Jeremias 45:5 ပူးပေါင်းရင်းမြစ်များ

Genesis 6:12

Nahiling nin Dios na an daga pano nin karatan huli sa maraot na pamumuhay kan mga tawo.

1 Mga Hade 3:11

kaya nagsabi an Dios saiya, “Huli ta naghagad ka nin kadonongan tanganing maghade nin matanos, embes na halawig na buhay, o kayamanan, o kagadanan kan saimong mga kaiwal,

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

2 Mga Hade 5:26

Alagad nagsabi si Eliseo, “Bakong idtoon ako sa espiritu kan maghilig sa saiyang karwahe an lalaki sa pagsabat saimo? Bako ini an panahon tanganing mag-ako nin kwarta asin mga gubing, nin kaolibahan saka mga ubasan, nin mga karnero saka mga baka, o mga sorogoon!

Salmo 131:1

Kagurangnan, pinabayaan ko an sakong kapalangkawan asin tinalikodan ko na an kapaabaw-abawan. Dai na ako nakikiaram sa darakulang mga bagay asin sa mga makangangalas para sako.

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 21:9

An siisay man na magdanay sa syudad magagadan sa gera, sa gutom asin sa peste. Alagad an siisay man na magluwas sa syudad saka magsuko sa mga taga Babilonia, na nagsasalakay ngunyan sa syudad, dai magagadan; ikakaligtas niya an saiyang buhay.

Jeremias 25:15

An Kagurangnan, an Dios nin Israel, nagtaram sako, “Uya an kalis na pano kan sakong kaanggotan. Darahon mo ini sa gabos na nasyon na papadumanan ko saimo saka painomon mo sinda.

Jeremias 25:16

Pag-inom ninda, masayasay sinda saka mabubua huli kan gera na ipapadara ko sainda.”

Jeremias 25:31

asin an tingog niya mag-aaniningal sa mga poro kan kinaban. An Kagurangnan igwa nin sumbong laban sa mga nasyon. Malaog siya sa paghukom sa gabos na tawo asin gagadanon niya an mga tampalasan. An Kagurangnan an nagtaram.’”

Jeremias 38:2

na an Kagurangnan nagtaram nin siring, “Magagadan sa gera o sa gutom o sa peste an siisay man na padagos na mag-erok sa syudad na ini. Alagad an magluwas saka magsuko sa mga taga Babilonia mabubuhay; ikakaligtas niya an saiyang buhay.”

Jeremias 39:18

Ililigtas taka; dai ka magagadan. Ililigtas ko an saimong buhay bilang regalo nin ralaban huli ta nanarig ka sako. Ako, an Kagurangnan, an nagtaram.”

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Roma 12:16

Pareho nindong pagmakulogan an gabos. Dai kamo magpaabaw-abaw, kundi makiiba kamo sa mga daing sukat. Dai kamo mag-isip na kamo mga madonong.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”