Jeremias 44:7 - Marahay na Bareta Biblia

⁷ “Kaya ako, an Kagurangnan nin mga hukbo, an Dios nin Israel, minahapot ngunyan saindo kun tadaw ta ginigibo nindo an siring na karatan sa saindong mga sadiri. Boot nindong darahan nin kapahamakan an mga lalaki saka an mga babae, an mga aki saka an mga omboy, tanganing mayo nin matada sa saindong banwaan?

Jeremias 44:7 ပူးပေါင်းရင်းမြစ်များ

Mga Talinhaga 1:18

Alagad an mga tawong ini minabugtak nin litag para sa sadiri man sana ninda, litag na magagadanan ninda.

Mga Talinhaga 15:32

An tawong minasikwal nin katukdoan naoongis sa sadiri man sana niya, alagad an naghihinanyog sa hatol magigin madonong.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Mga Talinhaga 8:36

An dai nakakakua sako, nagkukulog sa sadiri; an naoongis sako, namomoot sa kagadanan.”

Jeremias 25:6

Tinaraman ninda kamo na dai magsamba asin maglingkod sa mga dios-dios, asin na dai pagpaanggoton an Kagurangnan huli sa pagsamba sa ginibo nindong mga ladawan. Kun kinuyog nindo an Kagurangnan, dai niya kutana kamo pinadusahan.

Jeremias 25:7

Alagad an Kagurangnan mismo an nagsasabi na nagsayuma kamong maghinanyog saiya. Pinaanggot nindo siya huli kan saindong mga ladawan asin dinara nindo sa saindong sadiri an saiyang padusa.

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 3:24

Alagad an pagsamba nyamo ki Baal, an dios nin kasosopgan, iyo an nagin dahelan kan pagkaubos kan samong mga hayop, mga aking lalaki saka babae, patin kan gabos na pinagalan kan samong mga ginikanan.

Jeremias 38:17

Dangan sinabihan ko si Zedekias na an Kagurangnan, an Dios nin mga hukbo, an Dios nin Israel, nagtaram nin siring, “Kun magsuko ka sa mga opisyal kan hade nin Babilonia, dai ka magagadan saka dai susuloon an syudad na ini. Ika asin an saimong pamilya makakaligtas.

Jeremias 42:20

na magabat an ginigibo nindong karatan. Hinagad nindo sako na mamibi sa Kagurangnan na satong Dios para saindo, saka nanuga kamo na gigibohon nindo an gabos na pagboot niya.

Jeremias 44:14

Mayo kan mga natada sa Juda na nag-eerok na sa Egipto an makakadulag o mabubuhay. Ni saro sa sainda dai makakabalik sa Juda, na boot nindang pag-erokan giraray. Mayo nin makakabalik pwera kan kadikit na makakadulag.”

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 51:22

sa paggadan kan mga lalaki saka mga babae, sa paggadan kan gurang saka hoben, sa paggadan kan mga aking lalaki saka mga aking babae,

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Mga Panambitan 2:22

Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Habakkuk 2:10

alagad kasosopgan an dinara sa saindong pamilya kan saindong mga plano; sa panraraot nin mga nasyon, kamo man sana an nagdara nin pagkaraot sa saindong sadiri.

Mga Bilang 16:38

Nagin banal an mga ini kan idolot sa altar nin Kagurangnan. An mga insensaryo kan mga lalaking ini na ginadan huli ta nagkasala, pulpogon mo asin gibohon na mga mahimpis na pantahob sa altar. Ini magigin sarong tanda para sa mga Israelita.”

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

Josue 6:21

Ginadan ninda an gabos na tawo duman, lalaki saka babae, aki asin gurang. Ginadan man ninda an mga baka, karnero sagkod mga asno.

Hukom 21:11

Gadanon nindo an gabos na lalaki asin man an mga babae na bako nang birhen.”

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”

1 Samuel 22:19

Ipinagadan man ni Saul an iba pang mga nag-eerok sa Nob, an syudad kan mga padi: mga lalaki asin mga babae, mga aki saka mga pasuso, baka, asno sagkod karnero—gabos saiyang ipinagadan.