Jeremias 44:4 - Marahay na Bareta Biblia

⁴ Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Jeremias 44:4 ပူးပေါင်းရင်းမြစ်များ

2 Mga Cronica 36:15

An Kagurangnan, an Dios kan saindang mga ginikanan, danay na nagsugo nin mga propeta tanganing patanidan sinda, huli ta boot niyang iligtas sinda saka an Templo.

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Nehemias 9:34

An samuyang mga ginikanan, mga hade, mga lider, asin mga padi dai nag-otob kan saimong Katogonan, dai nagdangog kan saimong mga pagboot asin mga patanid.

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 26:5

asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

Jeremias 29:19

Mangyayari ini sainda huli ta dai ninda kinuyog an mensahe na danay kong ipinapadara sainda sa paagi kan mga sorogoon kong mga propeta. Habo nanggad sindang maghinanyog.

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 32:34

Ibinugtak pa ninda an saindang makauuyam na mga dios-dios sa Templo na itinugdok para sa pagsamba sako, asin dinigtaan ninda iyan.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:17

Dai mo nahihiling an ginigibo ninda sa mga syudad nin Juda saka sa mga tinampo nin Jerusalem?

Jeremias 7:18

Nagkukua nin igatong an mga aki, nagmamakot nin kalayo an mga kalalakihan asin nagmamasa nin arina an kababaehan tanganing magluto nin mga tinapay para sa diosang inaapod nindang Reyna nin Langit. Inuula man ninda an mga dolot na inomon para sa ibang dios, tanganing kulogan an boot ko.

Jeremias 7:25

Magpoon kan maghale sa Egipto an saindong mga ginikanan sagkod ngunyan, padagos akong nagpadara saindo kan sakong mga sorogoon, an mga propeta.

Ezekiel 16:36

Ini an tataramon nin Kagurangnan Dios: “Huli ta hinuba mo an saimong mga gubing, asin siring sa sarong maraot na babae, itinao mo an saimong hawak sa mga kadorogan mo asin sa makauuyam mong mga dios-dios, dangan ginadan mo an saimong mga aki bilang sakripisyo sa mga dios-dios,

Ezekiel 16:47

Alagad dai ka nakontento sa paglakaw sa saindang mga dalan asin sa pag-arog kan makauuyam nindang gibo. Sa halipot sanang panahon nagin mas marompot ka pa ki sa sainda.

Ezekiel 18:31

Bayaan nindo an gabos na kasalan na naginibo nindo tumang sako, asin magkua kamo para saindo nin bagong puso saka bagong espiritu! Kamong mga Israelita, tadaw ta boot nindong magadan?

Ezekiel 8:10

Kaya naglaog ako asin naghiling. An mga lanob igwa nin mga ladawan nin mga halas saka iba pang maating mga hayop, asin iba pang mga bagay na sinasamba kan mga Israelita.

Daniel 9:6

Dai mi dinangog an saimong mga sorogoon, an mga propeta, na nagtaram sa ngaran mo sa samong mga hade, mga pamayo, mga ginikanan, asin sa samong nasyon.

Zacarias 7:7

Iyo ini an itinaram nin Kagurangnan sa paagi kan mga naenot na mga propeta kan panahon na mauswag pa an Jerusalem asin pano ini nin mga tawo, dangan kan panahon na an mga banwa sa palibot kan syudad kadakul an nag-eerok siring man an rehiyon sa habagat saka an mga kababan sa solnopan.

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.