Jeremias 44:3 - Marahay na Bareta Biblia

³ huli ta naggibo nin karatan an mga nag-eerok duman saka pinaanggot ninda ako. Nagdolot sinda nin insenso saka naglingkod sa mga dios-dios na dai ninda midbid, dangan dai man nindo midbid ni kan saindong mga ginikanan.

Jeremias 44:3 ပူးပေါင်းရင်းမြစ်များ

Nehemias 9:33

Nagin matanos ka sa pagpadusa sa samo; nagin maimbod ka, maski ngani kami nagkasala.

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 16:10

“Kun sabihan mo sinda kan gabos na ini, hahapoton ka ninda kun tadaw ta nagpahayag ako na padusahan sinda nin magabat. Mahapot sinda kun anong krimen an naginibo ninda asin kun anong kasalan an ginibo ninda tumang sa Kagurangnan na saindang Dios.

Jeremias 22:9

Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 29:19

Mangyayari ini sainda huli ta dai ninda kinuyog an mensahe na danay kong ipinapadara sainda sa paagi kan mga sorogoon kong mga propeta. Habo nanggad sindang maghinanyog.

Jeremias 32:30

Magpoon sa kapinonan pinauyam na ako saka pinaanggot kan mga taga Israel asin taga Juda huli kan saindang mga gibo.

Jeremias 44:23

An karatan na ini ngunyan nag-abot saindo huli ta nagtutong kamo nin insenso sa mga dios-dios asin nagkasala tumang sa Kagurangnan sa paagi kan dai nindo pagkuyog kan gabos niyang pagboot.”

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 5:19

Kun sinda maghapot saimo, Jeremias, kun tadaw ta ginibo ko an gabos na ini, sabihan mo sinda na siring na tinalikodan ninda ako dangan naglingkod sa mga dayuhan na mga dios sa sadiri nindang daga, maglilingkod man sinda sa mga dayuhan sa sarong daga na bako nindang sadiri.”

Jeremias 5:29

“Alagad ako, an Kagurangnan, an mapadusa sainda huli kan mga bagay na ini; babaloson ko an siring na nasyon.

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Mga Panambitan 4:13

Alagad nangyari ini, huli sa kasalan kan saiyang mga propeta, sa kasombikalan kan saiyang mga padi, na nagpabulos kan dugo nin mga matanos.

Ezekiel 9:9

Nagsimbag an Dios, “Dakula nin marahay an kasalan kan mga tawo sa Israel asin Juda; an daga pano nin dugo asin an syudad pano nin inhustisya. Nagsasabi sinda, ‘Pinabayaan nin Kagurangnan an satong daga asin dai niya kita mahihiling!’

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Deuteronomio 29:25

Ini an magigin simbag, ‘Huli ta nagtalikod sinda sa tipan na ginibo ninda sa Kagurangnan na Dios kan saindang mga ginikanan, kan iluwas niya sinda hale sa daga nin Egipto.

Deuteronomio 29:26

Naglingkod asin nagsamba sinda sa mga dios-dios na dai pa ninda sinamba kaidto, mga dios-dios na ipinangalad nin Kagurangnan na sambahon ninda.

Deuteronomio 32:17

Sa mga dios-dios sinda nag-atang; mga bagong dios na dai midbid kan saindang ginikanan, asin dai lamang natakotan.

Hebreyo 3:16

Siisay idtong nakadangog kan tingog nin Dios alagad nagsombikal? Bakong idto gabos na ilinuwas ni Moises sa Egipto?