Jeremias 44:28 - Marahay na Bareta Biblia

²⁸ Alagad an nagkapira saindo makakadulag sa kagadanan saka mabalik sa Juda hale sa Egipto. Dangan maaaraman kan mga natadang ini kun kiisay na tataramon an magkakatotoo, an sako o an sainda.

Jeremias 44:28 ပူးပေါင်းရင်းမြစ်များ

Salmo 33:11

Alagad an saiyang mukna magdadanay sagkod lamang; an saiyang mga kaisipan dai nin kataposan.

Isaias 10:19

Kadikit na sanang kahoy an matatada, kaya mabibilang iyan maski kan sadit na aki.

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Jeremias 42:17

An gabos na tawo na boot nanggad na magduman saka mag-erok sa Egipto magagadan sa gera o sa gutom o sa peste. Mayo sainda nin matatada, maski saro dai makakadulag sa kasakitan na dadarahon ko sainda.’

Jeremias 44:13

Papadusahan ko an mga nag-eerok sa Egipto, siring na pinadusahan ko an Jerusalem sa paagi nin gera, gutom, saka peste.

Jeremias 44:14

Mayo kan mga natada sa Juda na nag-eerok na sa Egipto an makakadulag o mabubuhay. Ni saro sa sainda dai makakabalik sa Juda, na boot nindang pag-erokan giraray. Mayo nin makakabalik pwera kan kadikit na makakadulag.”

Jeremias 44:29

Ako, an Kagurangnan, matao saindo nin tanda na papadusahan ko kamo sa lugar na ini, asin magkakatotoo an panuga ko na darahan kamo nin kapahamakan.

Jeremias 51:50

Nagsasabi an Kagurangnan sa saiyang banwaan na nasa Babilonia: “Kamong mga nakadulag sa kagadanan, humale na kamo diyan. Dai na kamo maghalat! Maski nasa harayo kamo, giromdoma nindo ako, na saindong Kagurangnan, saka giromdoma nindo an Jerusalem.

Ezekiel 6:8

“Alagad tutugotan kong mabuhay an nagkapira sainda. An mga makakadulag iwawarak ko sa mga nasyon,

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Mga Bilang 14:41

Alagad nagsabi si Moises, “Tadaw ta linalapas nindo ngunyan an pagboot nin Kagurangnan? Mayo nin marahay na mangyayari saindo.

Mateo 24:35

Mapapara an langit asin an daga, alagad an sakong mga tataramon dai nanggad mapapara.