Jeremias 44:27 - Marahay na Bareta Biblia

²⁷ Babantayan ko nanggad na dai kamo mabuhay kundi magadan. Gabos kamo magagadan sa gera o sa peste, sagkod na mayo saindo nin matada.

Jeremias 44:27 ပူးပေါင်းရင်းမြစ်များ

2 Mga Hade 21:14

Papabayaan ko an kadikit na matadang buhay, asin itatao ko sinda sa saindang mga kaiwal, na masakop sainda saka masamsam kan saindang daga.

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 21:10

Nagdesisyon na ako na dai iligtas an syudad na ini kundi raoton. Itatao ini sa hade nin Babilonia, asin susuloon niya ini. Ako, an Kagurangnan, an nagtaram.”

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 39:16

na sabihan si Ebed-melec na taga Etiopia, na an Kagurangnan nin mga hukbo, an Dios nin Israel, nagtaram nin siring, “Ootobon ko na an sakong mga itinaram laban sa syudad na ini. Karatan asin bakong karahayan an mangyayari sa aldaw na iyan sa atubangan nindo.

Jeremias 42:16

aabotan kamo duman kan gera na saindong natatakotan, asin susunodon kamo kan gutom na hinahaditan nindo, saka magagadan kamo sa Egipto.

Jeremias 44:12

Tutunawon ko an gabos na natada sa Juda na nagpirit nanggad na magduman saka mag-erok sa Egipto. Sinda gabos, dakula man o sadit, magagadan sa Egipto; magagadan sinda sa gera o sa gutom. Magigin sarong tanawon sinda na nakakatakot; pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 44:13

Papadusahan ko an mga nag-eerok sa Egipto, siring na pinadusahan ko an Jerusalem sa paagi nin gera, gutom, saka peste.

Jeremias 44:14

Mayo kan mga natada sa Juda na nag-eerok na sa Egipto an makakadulag o mabubuhay. Ni saro sa sainda dai makakabalik sa Juda, na boot nindang pag-erokan giraray. Mayo nin makakabalik pwera kan kadikit na makakadulag.”

Jeremias 44:18

Alagad kan ontokon mi an pagtutong nin insenso sa reyna nin langit saka an pag-ula nin mga dolot na arak para saiya, nawaraan kami nin pagkakan, saka nagadan sa gera asin sa gutom an samong mga kahimanwa.”

Jeremias 9:15

Kaya hinanyoga an gigibohon ko, ako an Kagurangnan nin mga hukbo, an Dios nin Israel: Papakakanon ko nin mapait na tinanom an sakong banwaan asin papainomon ko sinda nin tubig na may hudong.

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 7:6

Tapos na an gabos. Iyo na ini an kataposan. Tapos ka na.

Daniel 9:14

Andam ka sa pagpadusa samo, O Kagurangnan na samong Dios, asin pinadusahan mo mananggad kami huli ta danay na tama an saimong ginigibo, asin dai kami nagdangog saimo.

Amos 9:8

Ako, an Kagurangnan Dios, nagmamasid sa makasalan na kahadean na ini nin Israel, asin paparaon ko iyan sa ibabaw kan daga. Alagad dai ko pupuhoon an kapagarakian ni Jacob.