Jeremias 44:26 - Marahay na Bareta Biblia

²⁶ Alagad hinanyoga nindo ngunyan an sumpa na ginibo ko huli sa mapangyari kong ngaran, para sa saindo gabos na Israelita na yaon sa Egipto: Dai ko na itutugot sa kiisay man na ipagsumpa an sakong ngaran sa pagsasabi, ‘Minasumpa ako huli sa Makakamhan na Dios na buhay!’

Jeremias 44:26 ပူးပေါင်းရင်းမြစ်များ

Genesis 22:16

asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo.

Salmo 50:16

Alagad tinataraman nin Dios an tampalasan, “Ano an deretso mo sa pag-ulit-ulit kan sakong mga togon, sa pagsambit kan sakong tipan?

Salmo 89:34

Dai ko lalapason an sakong tipan, o liliwaton an tataramon na nagluwas sa sakong ngoso.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 24:8

“Alagad manongod ki Hadeng Zedekias nin Juda, sa saiyang mga lider, sa iba pang mga taga Jerusalem na nagpawalat sa dagang ini o nagduman sa Egipto—ako, an Kagurangnan, an matratar sainda siring sa ralapang higera na dai pwedeng kakanon.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 44:11

“Kaya ako, an Kagurangnan nin mga hukbo, an Dios nin Israel, an makalaban saindo saka matunaw kan bilog na Juda.

Jeremias 44:14

Mayo kan mga natada sa Juda na nag-eerok na sa Egipto an makakadulag o mabubuhay. Ni saro sa sainda dai makakabalik sa Juda, na boot nindang pag-erokan giraray. Mayo nin makakabalik pwera kan kadikit na makakadulag.”

Jeremias 44:24

Sinabihan ko an gabos na tawo, orog na an mga babae, kan itinaram nin Kagurangnan nin mga hukbo, an Dios nin Israel, sa mga taga Juda na nag-eerok na sa Egipto, “Nagsumpa kamo asin an saindong mga agom sa reyna nin langit. Nanuga kamo na magtututong nin insenso saka mag-uula nin mga dolot na arak para saiya, dangan inotob nindo an saindong mga panuga. Marahay iyan! Otoba nindo an saindong mga panuga! Giboha nindo an saindong mga ipinanuga!

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 51:14

An Kagurangnan nin mga hukbo nagsumpa sa saimong sadiri na mapadara nin mga lalaki na arog kadakul sa mga doron, tanganing salakayon an Babilonia, asin makurahaw sinda nin kapangganahan.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Ezekiel 20:39

Ini an tataramon nin Kagurangnan Dios: “Kamong mga Israelita, kun boot nindo, lakaw asin paglingkodan nindo an saindong mga dios-dios! Alagad pinapatanidan ko kamo na pakatapos kaiyan, kaipuhan kuyogon nindo ako asin ontokon nindo an pagdigta sa banal kong ngaran sa paagi nin pagdolot nin mga atang sa saindong mga dios-dios.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Amos 6:10

An kadugo kan nagadan, an namamahala kan lubong, iyo an madara kan bangkay paluwas sa harong. Dangan maapod an kadugo sa kiisay man na yaon pa sa laog kan harong, “May kaiba ka pa diyan?” Masimbag an sarong tingog, “Mayo!” Dangan masabi an kadugo, “Mag-alo ka! Kaipuhan magin maingat kita na dai masambit an ngaran nin Kagurangnan.”

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Amos 8:7

An Kagurangnan, an Dios nin Israel, nagsumpa, “Dai ko nanggad malilingawan an mga maraot nindang gibo.

Mga Bilang 14:28

Kaya sabihan mo sinda, ‘Minasumpa ako siring na ako buhay, na gigibohon ko an hinahagad nindo.

Hebreyo 3:18

Siisay idtong sinumpa nin Dios na dai nanggad makakalaog sa daga na itinagama niyang pahingaloan ninda? Bako idtong mga nagsombikal?

Hebreyo 6:13

Kan manuga an Dios ki Abraham, nagsumpa siya sa sadiri niyang ngaran huli ta mayo nin mas mapangyari pa ki sa saiya na pwede niyang masumpaan.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.