Jeremias 44:24 - Marahay na Bareta Biblia

^24-25 Sinabihan ko an gabos na tawo, orog na an mga babae, kan itinaram nin Kagurangnan nin mga hukbo, an Dios nin Israel, sa mga taga Juda na nag-eerok na sa Egipto, “Nagsumpa kamo asin an saindong mga agom sa reyna nin langit. Nanuga kamo na magtututong nin insenso saka mag-uula nin mga dolot na arak para saiya, dangan inotob nindo an saindong mga panuga. Marahay iyan! Otoba nindo an saindong mga panuga! Giboha nindo an saindong mga ipinanuga!

Jeremias 44:24 ပူးပေါင်းရင်းမြစ်များ

1 Mga Hade 22:19

Nagpadagos si Micaias, “Hinanyoga ngunyan an tataramon nin Kagurangnan! Nahiling ko an Kagurangnan na nagtutukaw sa saiyang trono kaiba an saiyang mga anghel na nagtitindog sa too niya asin sa wala.

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 28:14

Kaya dangoga nindo an tataramon nin Kagurangnan, kamong mga paratuyatuyang namamayo kan banwaan digdi sa Jerusalem.

Jeremias 43:7

Dai ninda kinuyog an pagboot nin Kagurangnan asin nagduman sa Egipto sagkod sa syudad nin Tafanhes.

Jeremias 44:26

Alagad hinanyoga nindo ngunyan an sumpa na ginibo ko huli sa mapangyari kong ngaran, para sa saindo gabos na Israelita na yaon sa Egipto: Dai ko na itutugot sa kiisay man na ipagsumpa an sakong ngaran sa pagsasabi, ‘Minasumpa ako huli sa Makakamhan na Dios na buhay!’

Ezekiel 2:7

Itataram mo sainda an boot kong isabi mo sainda, magdangog man sinda o dai, huli ta mga rebelde sinda.

Amos 7:16

Kaya dangoga ngunyan kun ano an sinasabi nin Kagurangnan. Pinapaontok mo ako sa pagpropesiya, sa pagtaram laban sa banwaan nin Israel.

Mateo 11:15

An may talinga, magdangog!