Jeremias 44:23 - Marahay na Bareta Biblia

²³ An karatan na ini ngunyan nag-abot saindo huli ta nagtutong kamo nin insenso sa mga dios-dios asin nagkasala tumang sa Kagurangnan sa paagi kan dai nindo pagkuyog kan gabos niyang pagboot.”

Jeremias 44:23 ပူးပေါင်းရင်းမြစ်များ

1 Mga Hade 9:9

Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa mga dios-dios, kaya dinara sainda nin Kagurangnan an karatan na ini.’”

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Nehemias 13:18

Dai nindo aram na an gaweng ini kan saindong mga ginikanan an dahelan kan pagpadusa nin Dios sa syudad na ini? Alagad mas makuring kaanggotan nin Dios an boot nindong darahon sa Israel huli kan paglapas nindo kan Sabbath.”

Salmo 119:136

An sakong mga luha nagbubulos siring sa sarong salog huli ta dai nagkukuyog an mga tawo kan saimong katogonan.

Salmo 119:150

Naghaharani an mga naglalamag sako, mga tawong harayo sa saimong katogonan.

Salmo 119:155

Harayo sa mga maraot an kaligtasan, huli ta dai ninda hinahanap an saimong mga katogonan.

Salmo 78:10

Dai ninda inotob an saindang tipan sa Dios; dai sinda naglakaw sa dalan nin saiyang mga togon.

Salmo 78:56

Alagad binalo ninda asin tinumangan an Kahorohalangkaweng Dios, asin dai ninda kinuyog an saiyang mga togon,

Jeremias 26:4

Tinaraman ako nin Kagurangnan na isabi sa mga tawo an siring, “Ako, an Kagurangnan, nagtaram na dapat kamong magkuyog sako sa paagi nin pag-otob kan katukdoan na itinao ko saindo,

Jeremias 40:3

asin ngunyan inotob niya an sinabi niya. An gabos na ini nangyari huli ta nagkasala an saimong banwaan tumang sa Kagurangnan saka dai ninda siya sinunod.

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Jeremias 44:18

Alagad kan ontokon mi an pagtutong nin insenso sa reyna nin langit saka an pag-ula nin mga dolot na arak para saiya, nawaraan kami nin pagkakan, saka nagadan sa gera asin sa gutom an samong mga kahimanwa.”

Jeremias 44:2

Nagtaram an Kagurangnan nin mga hukbo, an Dios nin Israel, “Nahiling nindo mismo an kasakitan na dinara ko sa Jerusalem asin sa gabos na syudad nin Juda. Sagkod ngunyan raot an mga syudad na iyan saka mayo nin nag-eerok duman

Jeremias 44:21

“Manongod sa insenso na tinutong nindo asin kan saindong mga ginikanan, kan saindong mga hade saka mga lider, asin kan mga tawo na nag-eerok sa daga, sa mga banwa nin Juda saka sa mga tinampo nin Jerusalem—naghohona daw kamo na dai iyan aram nin Kagurangnan o nalingawan na niya iyan?

Jeremias 44:3

huli ta naggibo nin karatan an mga nag-eerok duman saka pinaanggot ninda ako. Nagdolot sinda nin insenso saka naglingkod sa mga dios-dios na dai ninda midbid, dangan dai man nindo midbid ni kan saindong mga ginikanan.

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

1 Corinto 10:20

Mayo! An sinasabi ko iyo na an anoman na idinolot sa altar nin mga pagano, atang sa mga demonyo, bakong sa Dios. Habo kong magin kahiras kamo kan mga demonyo.

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”