Jeremias 44:19 - Marahay na Bareta Biblia

¹⁹ Nagtaram pa an kababaehan, “Kan magluto kami nin tinapay na an porma arog kan reyna nin langit, kan nagtutong kami nin insenso saka nag-ula nin mga dolot na arak saiya, inoyonan kan samong mga agom an samong mga ginibo.”

Jeremias 44:19 ပူးပေါင်းရင်းမြစ်များ

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

2 Mga Cronica 21:6

Inarog niya an maraot na ginibo ni Hadeng Ahab asin kan iba pang hade nin Israel, huli ta naagom niya an sarong aking babae ni Ahab. Ginibo niya an maraot sa atubangan kan Kagurangnan,

Mga Talinhaga 11:21

Laomon mo na papadusahan an maraot na tawo, alagad ililigtas an matanos.

Jeremias 44:15

Dangan an gabos na kalalakihan na nakaaram na an saindang mga agom nagtututong nin insenso sa mga dios-dios, asin an gabos na kababaehan na nagtitindog duman kaiba an mga Israelita na nag-eerok sa habagat na parte kan Egipto—na sarong dakulang katiriponan—nagsimbag sako,

Jeremias 44:20

Dangan tinaraman ko an gabos na lalaki saka babae na nagsimbag nin siring kaini sako,

Jeremias 7:18

Nagkukua nin igatong an mga aki, nagmamakot nin kalayo an mga kalalakihan asin nagmamasa nin arina an kababaehan tanganing magluto nin mga tinapay para sa diosang inaapod nindang Reyna nin Langit. Inuula man ninda an mga dolot na inomon para sa ibang dios, tanganing kulogan an boot ko.

Mga Bilang 30:12

Alagad kun dai magtugot an saiyang agom pakadangog kan panuga, mayo nin halaga an panuga saka sumpa kan babae. Papatawadon siya nin Kagurangnan huli ta dai nagtugot an saiyang agom.

Mga Bilang 30:8

Alagad kun dai magtugot an saiyang agom pakadangog kan panuga, mayo nin halaga an panuga saka sumpa, na tuyo man o bakong saboot na ginibo niya. Papatawadon siya nin Kagurangnan.