Jeremias 43:9 - Marahay na Bareta Biblia

⁹ “Kumua ka nin nagkapirang darakulang gapo saka ilubong mo sa palitada na nasa agihan palaog sa palasyo kan hade sa Tafanhes; gibohon mo iyan na nahihiling ka kan mga Israelita.

Jeremias 43:9 ပူးပေါင်းရင်းမြစ်များ

2 Samuel 12:31

Pinatrabaho niya an mga tawong taga Rabba na gamit an mga lagadi, mga piko, saka mga patok, asin pinirit sindang maggibo nin mga ladrilyo; iyo man an ginibo ni David sa mga tawo kan ibang mga banwa nin Ammon. Dangan nagbalik sa Jerusalem si David saka an saiyang mga tawohan.

Jeremias 25:19

Uya an talaan kan iba pang mainom sa kalis: an hade nin Egipto, an saiyang mga opisyal saka mga lider; an gabos na Egipcio saka an gabos na dayuhan sa Egipto; an gabos na hade sa daga nin Uz; an gabos na hade kan Filisteong mga syudad nin Askelon, Gaza, Ekron, asin an natatada kan Asdod; an gabos na taga Edom, Moab, saka Ammon; an gabos na hade nin Tiro saka Sidon; an gabos na hade kan mga daga sa Mediteraneo; an mga syudad nin Dedan, Tema, asin Buz; an mga tawo na nagpuputol kan saindang buhok; an gabos na hade nin Arabia; an gabos na hade kan mga tribu sa desyerto; an gabos na hade nin Zimri, Elam, saka Media; an gabos na hade sa amihan, an nasa harayo saka nasa harani, pasunod-sunod sinda. An lambang nasyon sa ibabaw kan kinaban kaipuhan uminom sa kalis. An huring mainom diyan iyo an hade nin Babilonia.

Jeremias 43:10

Dangan taraman mo sinda na ako, an Kagurangnan nin mga hukbo, an Dios nin Israel, iyo an madara sa lugar na ini sa sorogoon kong si Hadeng Nebukadnezzar nin Babilonia, asin ibubugtak niya an saiyang trono sa ibabaw kan mga gapo na ilinubong mo saka ibibiklad niya an saiyang tolda sa ibabaw kaiyan.

Jeremias 43:8

Tinaraman ako nin Kagurangnan duman sa Tafanhes,

Jeremias 44:30

Itatao ko si Hadeng Hofra nin Egipto sa saiyang mga kaiwal na boot gumadan saiya, siring na itinao ko si Hadeng Zedekias nin Juda ki Hadeng Nebukadnezzar nin Babilonia, na saiyang kaiwal saka boot gumadan saiya.”

Ezekiel 4:1

Nagtaram an Dios, “Aki nin tawo, kumua ka nin ladrilyo, ibugtak mo iyan sa atubangan mo dangan iukit mo diyan an sarong syudad, an syudad nin Jerusalem.

Oseas 12:10

“Nagtaram ako sa mga propeta asin tinawan ko sinda nin mga bisyon, asin sa paagi kan mga propeta, pinatanidan ko an sakong banwaan.

Nahum 3:14

Pagharok nin tubig tanganing makapag-andam para sa sarong pagsalakay, asin pakosoga an saimong mga bantayan! Timaktimaki an laboy tanganing makagibo nin mga ladrilyo, asin andama an mga hormahan kaiyan!

Mga Gibo 21:11

Nagdolok siya samo, kinua niya an hagkos ni Pablo saka ginapos kaiyan an sadiri niyang mga bitis saka mga kamot dangan nagsabi, “An Espiritu Santo nagsabi na an kagsadiri kan hagkos na ini gagaposon na arog kaini kan mga Judio duman sa Jerusalem, asin itatao sa mga pagano.”

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.