Jeremias 43:7 - Marahay na Bareta Biblia

⁷ Dai ninda kinuyog an pagboot nin Kagurangnan asin nagduman sa Egipto sagkod sa syudad nin Tafanhes.

Jeremias 43:7 ပူးပေါင်းရင်းမြစ်များ

2 Mga Hade 25:26

Dangan an gabos na Israelita, mayaman man o dukha, asin an mga opisyal kan hukbo, nagduruman sa Egipto huli sa takot sa mga taga Babilonia.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

Isaias 30:2

Nagduduman sinda sa Egipto tanganing maghagad nin tabang maski dai pa sinda naghahagad kan sakong hatol. Boot nindang surogon sinda kan Egipto, kaya ibinubugtak ninda an saindang pagsarig sa hade nin Egipto.

Isaias 30:4

Huli ta maski duminatong na an saindang mga sugo sa mga Egipciong syudad nin Zoan saka Hanes,

Jeremias 2:16

Pinasa kan mga taga Memfis saka taga Tafanhes an saiyang payo.

Jeremias 41:17

Natakot sinda sa mga taga Babilonia huli ta ginadan ni Ismael si Gedalias, na ibinugtak kan hade nin Babilonia bilang gobernador sa Juda. Kaya naglakaw sinda pasiring sa Egipto, tanganing makalikay sa mga taga Babilonia. Sa dalan, nag-ontok sinda sa Kimham na harani sa Betlehem.

Jeremias 42:21

Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 44:1

Nagtaram sako an Kagurangnan manongod sa gabos na Israelita na nag-eerok sa Egipto, sa mga syudad nin Migdol, Tafanhes, Memfis, saka sa habagat na parte kan daga.

Jeremias 44:24

Sinabihan ko an gabos na tawo, orog na an mga babae, kan itinaram nin Kagurangnan nin mga hukbo, an Dios nin Israel, sa mga taga Juda na nag-eerok na sa Egipto, “Nagsumpa kamo asin an saindong mga agom sa reyna nin langit. Nanuga kamo na magtututong nin insenso saka mag-uula nin mga dolot na arak para saiya, dangan inotob nindo an saindong mga panuga. Marahay iyan! Otoba nindo an saindong mga panuga! Giboha nindo an saindong mga ipinanuga!

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Ezekiel 30:18

Magdidiklom an Tafnes kun barion ko na an kapangyarihan nin Egipto asin taposon ko na an kosog na ipinag-orgulyo niya. An Egipto matatahoban nin sarong panganoron asin mabibihag an gabos na tawo sa saiyang mga syudad.