Jeremias 43:4 - Marahay na Bareta Biblia

⁴ Si Johanan, an gabos na opisyal kan hukbo, asin an gabos na tawo dai nagkuyog sa pagboot nin Kagurangnan na magdanay sa daga nin Juda.

Jeremias 43:4 ပူးပေါင်းရင်းမြစ်များ

2 Mga Hade 25:26

Dangan an gabos na Israelita, mayaman man o dukha, asin an mga opisyal kan hukbo, nagduruman sa Egipto huli sa takot sa mga taga Babilonia.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Parahulit 9:16

Danay kong sinasabi na an kadonongan marahay ki sa kosog, alagad mayo nin naghohona na an sarong dukha madonong o mayo nin nagdadangog kun siya nagtataram.

Jeremias 41:16

Dangan tinipon ni Johanan asin kan mga lider kan hukbo an mga tawo—mga soldados, mga babae, mga aki, saka mga eunuko—na binihag ni Ismael hale sa Mizpa pakatapos na gadanon kaini si Gedalias.

Jeremias 42:21

Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 42:8

Kaya inapod ko si Johanan, an gabos na lider kan hukbo na kaiba niya, asin an iba pang mga tawo.

Jeremias 44:5

Alagad dai kamo naghinanyog ni nagkuyog. Dai nindo tinalikodan an saindong maraot na gawe nin pagdolot sa mga dios-dios.