Jeremias 43:13 - Marahay na Bareta Biblia

¹³ Raraoton niya an mga banal na gapong monumento sa Heliopolis sa Egipto, dangan susuloon niya an mga templo kan mga dios-dios nin Egipto.”

Jeremias 43:13 ပူးပေါင်းရင်းမြစ်များ

Genesis 41:45

Dangan si Jose nginaranan Zafenat Panea kan hade, asin tinawan siya kaini nin agom, si Asenat, an aki ni Potifera na sarong padi sa On. Treynta na an edad ni Jose kan magpoon siyang maglingkod sa hade nin Egipto. Pakahale niya sa atubang kan hade, naglibot siya sa bilog na daga.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 19:18

Pag-abot kan panahon na iyan, an lengwaheng Hebreyo an magigin tataramon sa limang syudad sa Egipto. An mga tawo duman masumpa sa ngaran nin Kagurangnan nin mga hukbo. An saro sa mga syudad aapodon, “Syudad kan Aldaw.”

Isaias 46:2

Dai ikinakaligtas kan mga ladawan an saindang sadiri; sinakop sinda saka binihag. Iyo ini an kataposan kan mga dios-dios nin Babilon!

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 25:19

Uya an talaan kan iba pang mainom sa kalis: an hade nin Egipto, an saiyang mga opisyal saka mga lider; an gabos na Egipcio saka an gabos na dayuhan sa Egipto; an gabos na hade sa daga nin Uz; an gabos na hade kan Filisteong mga syudad nin Askelon, Gaza, Ekron, asin an natatada kan Asdod; an gabos na taga Edom, Moab, saka Ammon; an gabos na hade nin Tiro saka Sidon; an gabos na hade kan mga daga sa Mediteraneo; an mga syudad nin Dedan, Tema, asin Buz; an mga tawo na nagpuputol kan saindang buhok; an gabos na hade nin Arabia; an gabos na hade kan mga tribu sa desyerto; an gabos na hade nin Zimri, Elam, saka Media; an gabos na hade sa amihan, an nasa harayo saka nasa harani, pasunod-sunod sinda. An lambang nasyon sa ibabaw kan kinaban kaipuhan uminom sa kalis. An huring mainom diyan iyo an hade nin Babilonia.

Jeremias 43:12

Susuloon ko an mga templo kan mga dios-dios nin Egipto, asin susuloon kan hade nin Babilonia o kaya sasamsamon an saindang mga dios-dios. Lilinigan niya an daga nin Egipto arog kan paglinig kan pastor sa saiyang gubing tanganing mahale an mga kuto. Pakatapos kaiyan, mapanggana siyang mahale sa Egipto.

Jeremias 44:1

Nagtaram sako an Kagurangnan manongod sa gabos na Israelita na nag-eerok sa Egipto, sa mga syudad nin Migdol, Tafanhes, Memfis, saka sa habagat na parte kan daga.

Jeremias 46:25

Nagsasabi an Kagurangnan nin mga hukbo, an Dios nin Israel, “Papadusahan ko si Amon, an dios-dios nin Tebes, kaiba an Egipto asin an mga dios-dios saka an mga hade kaini. Kukuahon ko an hade nin Egipto asin an gabos na nananarig sa saiya,

Ezekiel 26:11

An saindang nakakabayong mga soldados garo mga bagyong maaragi sa saimong mga tinampo sa paggadan kan saimong mga namamanwaan. Marurumpag an mga darakula mong harigi.

Ezekiel 30:13

Nagtataram an Kagurangnan Dios, “Raraoton ko an mga ladawan asin an mga dios-dios sa Memfis. Mayo na nin maghahade sa daga nin Egipto asin tatakoton ko an gabos na tawo.

Ezekiel 30:17

An mga hoben na lalaki sa mga syudad nin Heliopolis saka Bubastis magagadan sa paagi nin espada, asin mabibihag an mga babae.

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,