Jeremias 43:12 - Marahay na Bareta Biblia

¹² Susuloon ko an mga templo kan mga dios-dios nin Egipto, asin susuloon kan hade nin Babilonia o kaya sasamsamon an saindang mga dios-dios. Lilinigan niya an daga nin Egipto arog kan paglinig kan pastor sa saiyang gubing tanganing mahale an mga kuto. Pakatapos kaiyan, mapanggana siyang mahale sa Egipto.

Jeremias 43:12 ပူးပေါင်းရင်းမြစ်များ

2 Samuel 5:21

Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

Esther 6:9

Dangan pagbotan mo an saro kan saimong ginagalangan na prinsipe tanganing isulot an gubing sa tawong boot mong omawon. Pakatapos ililibot niya an oomawon, na nakalunad duman sa kabayo, sa plasa kan syudad, mantang nagpapahayag siya nin siring: ‘Hilinga nindo kun paano binabalosan kan hade an tawong nawiwilihan niyang omawon!’”

An Libro ni Job 40:10

Kun magigibo mo, tumindog ka sa saimong kaomawan asin kapalangkawan; maggubing ka nin kamurawayan saka kagayonan.

Salmo 104:2

natatahoban ka nin kaliwanagan. An kalangitan biniklad mo arog sa sarong tolda.

Salmo 132:16

An saiyang mga padi gugubingan ko nin kaligtasan, asin an saiyang mga banal makurahaw sa kaogmahan.

Salmo 132:18

An mga kaiwal niya gugubingan ko nin kasopogan, alagad sa saiyang payo, an saiyang korona magkikinang.”

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 21:9

Dangan duminatong tolos an mga nakakabayo; manduwa-duwa sinda. Ipinahayag kan bantay an saiyang nahiling, “Nagbagsak na an Babilon! Parasa na an gabos na ladawan na saindang sinamba.”

Isaias 46:1

“Iyo ini an kataposan kan mga dios-dios nin Babilon! Sinamba kaidto si Bel saka si Nebo, alagad ngunyan isinasakay na sinda sa mga asno, sarong kagabatan sa likod kan pagal na mga hayop.

Isaias 46:2

Dai ikinakaligtas kan mga ladawan an saindang sadiri; sinakop sinda saka binihag. Iyo ini an kataposan kan mga dios-dios nin Babilon!

Isaias 49:18

Mangalagkalag ka asin hilinga an nangyayari! Nagtitiripon na an saimong banwaan—mapuruli na sinda! Siring na ako an Dios na buhay ipag-oorgulyo mo an saimong banwaan, siring na ipinag-orgulyo nin sarong nobya an saiyang mga alahas.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 61:5

Banwaan ko, paglilingkodan ka nin mga dayuhan. An saindong mga hayop, sinda an mag-aataman asin sinda an mag-ooma kan saindong daga saka magbabantay kan saindong mga ubasan.

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 10:15

An mga dios-dios na iyan mayo nin halaga asin dapat na pag-olog-ologon; mapapara sinda pag-abot kan saindang kapadusahan.

Jeremias 25:19

Uya an talaan kan iba pang mainom sa kalis: an hade nin Egipto, an saiyang mga opisyal saka mga lider; an gabos na Egipcio saka an gabos na dayuhan sa Egipto; an gabos na hade sa daga nin Uz; an gabos na hade kan Filisteong mga syudad nin Askelon, Gaza, Ekron, asin an natatada kan Asdod; an gabos na taga Edom, Moab, saka Ammon; an gabos na hade nin Tiro saka Sidon; an gabos na hade kan mga daga sa Mediteraneo; an mga syudad nin Dedan, Tema, asin Buz; an mga tawo na nagpuputol kan saindang buhok; an gabos na hade nin Arabia; an gabos na hade kan mga tribu sa desyerto; an gabos na hade nin Zimri, Elam, saka Media; an gabos na hade sa amihan, an nasa harayo saka nasa harani, pasunod-sunod sinda. An lambang nasyon sa ibabaw kan kinaban kaipuhan uminom sa kalis. An huring mainom diyan iyo an hade nin Babilonia.

Jeremias 43:13

Raraoton niya an mga banal na gapong monumento sa Heliopolis sa Egipto, dangan susuloon niya an mga templo kan mga dios-dios nin Egipto.”

Jeremias 46:25

Nagsasabi an Kagurangnan nin mga hukbo, an Dios nin Israel, “Papadusahan ko si Amon, an dios-dios nin Tebes, kaiba an Egipto asin an mga dios-dios saka an mga hade kaini. Kukuahon ko an hade nin Egipto asin an gabos na nananarig sa saiya,

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Jeremias 49:27

Susuloon ko an mga kudal kan Damasco saka tututongon ko an palasyo ni Hadeng Ben-hadad. Ako, an Kagurangnan nin mga hukbo, an nagtaram.”

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Ezekiel 29:11

Mayo nang maagi diyan maski tawo o hayop. Sa laog nin kwarentang taon, mayo nin maerok diyan.

Ezekiel 29:19

Kaya ngunyan ini an itinataram ko, an Kagurangnan Dios: Itinatao ko an daga nin Egipto ki Hadeng Nebukadnezzar. Hahabonan niya ini asin sasamsaman dangan an kayamanan nin Egipto dadarahon niya tanganing ibayad sa saiyang hukbo.

Ezekiel 30:13

Nagtataram an Kagurangnan Dios, “Raraoton ko an mga ladawan asin an mga dios-dios sa Memfis. Mayo na nin maghahade sa daga nin Egipto asin tatakoton ko an gabos na tawo.

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Roma 13:12

Lihis na an banggi; uya na an aldaw. Ontokon ta na an gibo sa kadikloman dangan kuahon ta an armas nin kaliwanagan.

Efeso 4:24

Bagong pagkatawo na an iribay nindo, pagkatawo na linalang sa ladawan nin Dios, pagkatawo na matanos asin banal.

Efeso 6:11

Gamiton nindo an gabos na armas na itinatao saindo nin Dios, tanganing makaya nindong labanan an mga katusohan kan Diablo.

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

Colosas 3:14

Orog sa gabos, magkaigwa kamo nin pagkamoot, na iyo an minabugkos kan gabos na bagay sa tunay na pagkasararo.