Jeremias 42:6 - Marahay na Bareta Biblia

⁶ Mawilihan mi man iyan o dai, susunodon mi an Kagurangnan na satong Dios, na papamibian mo sosog sa samong kahagadan. Mapapakarhay kami kun susunodon mi siya.”

Jeremias 42:6 ပူးပေါင်းရင်းမြစ်များ

Salmo 128:2

Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Salmo 78:36

Alagad gabos kaputikan an saindang sinabi; an saindang itinaram bakong tudok sa boot.

Exodo 24:7

Pakatapos, kinua niya an libro nin tipan, na nasusuratan kan mga togon nin Kagurangnan, dangan binasa nin makosog sa atubang kan mga tawo. An mga Israelita nagsimbag, “Susunodon mi an Kagurangnan asin gigibohon mi an gabos niyang pagboot.”

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Jeremias 22:15

Naghohona ka daw na saro ka nang hade huli ta nakapatugdok ka nin harong na sedro, na mas magayon ki sa ginibo nin iba? Nakamit kan saimong ama an marahay na buhay. Nagdanay siyang matanos asin onesto, kaya nag-uswag siya sa gabos niyang gibo.

Jeremias 43:4

Si Johanan, an gabos na opisyal kan hukbo, asin an gabos na tawo dai nagkuyog sa pagboot nin Kagurangnan na magdanay sa daga nin Juda.

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Roma 7:13

Nangangahulogan daw iyan na an marahay nagin dahelan kan sakong kagadanan? Dai! An kasalan an nagin dahelan kan sakong kagadanan sa paagi kan karahayan, tanganing ikapahiling an tunay na kolor kan kasalan. Kaya sa paagi nin togon ipinapahiling na maraot na gayo an kasalan.

Roma 7:7

Masabi daw kita na maraot an Katogonan? Dai nanggad! An Katogonan an nagpaliwanag sako kun ano an kasalan. Kun dai sinabi sa Katogonan an “Dai ka maara sa anoman na bakong saimo,” dai ko kutana maaraman kun ano an pagkaara.

Roma 8:7

Kaiwal nin Dios an mga nag-iisip kan mga bagay na sa laman, huli ta dai sinda nagkukuyog sa katogonan nin Dios saka dai nanggad sinda makakakuyog kaiyan.

Deuteronomio 5:27

Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Josue 24:24

Nagsimbag giraray saiya an mga tawo, “Maglilingkod kami sa Kagurangnan na samong Dios. Kukuyogon mi an saiyang mga pagboot.”