Jeremias 42:21 - Marahay na Bareta Biblia

²¹ Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 42:21 ပူးပေါင်းရင်းမြစ်များ

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Jeremias 43:1

Pakatapos na sabihon ko sa mga tawo an gabos na tataramon nin Kagurangnan para sainda,

Jeremias 43:4

Si Johanan, an gabos na opisyal kan hukbo, asin an gabos na tawo dai nagkuyog sa pagboot nin Kagurangnan na magdanay sa daga nin Juda.

Jeremias 43:7

Dai ninda kinuyog an pagboot nin Kagurangnan asin nagduman sa Egipto sagkod sa syudad nin Tafanhes.

Ezekiel 2:7

Itataram mo sainda an boot kong isabi mo sainda, magdangog man sinda o dai, huli ta mga rebelde sinda.

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Ezekiel 33:32

Para sa sainda, arog ka man sana sa sarong parakanta nin mga awit nin pagkamoot na igwa nin magayon na tingog, asin arog sa sarong paratugtog nin sarong instrumento. Dadangogon ninda an gabos mong itinaram alagad dai ninda susunodon maski an saro kaiyan.

Mga Gibo 20:20

Dai ako nagpabaya sa paghulit saindo kan ikakarahay nindo; tinukdoan ko kamo sa publiko saka sa saindong mga harong.

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

Deuteronomio 30:15

“Pinapapili ko kamo ngunyan na aldaw: sa marahay o sa maraot, sa buhay o sa kagadanan.

Deuteronomio 30:19

Pinapapili ko kamo ngunyan: sa buhay o sa kagadanan, sa bendisyon nin Dios o sa maldisyon niya. Inaapodan ko ngunyan an langit saka an daga na magsaksi sa gigibohon nindong pagpili. Pilion nindo an buhay, tanganing mabuhay kamo asin an saindong mga kapagarakian.