Jeremias 42:10 - Marahay na Bareta Biblia

¹⁰ ‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Jeremias 42:10 ပူးပေါင်းရင်းမြစ်များ

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

Salmo 102:16

Kun an Sion pakarahayon na nin Kagurangnan, ipapahiling niya an saiyang kadakulaan.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Salmo 69:35

Ililigtas nin Dios an Sion, asin giraray papatindogon an mga banwa nin Juda. Duman mag-eerok an saiyang banwaan asin sasadirihon ninda an daga,

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 27:11

Alagad an nasyon na magpasakop sa hade nin Babilonia saka maglingkod saiya, tutugotan kong magdanay sa sadiri niyang daga, na mag-oma saka mag-erok diyan. Ako, an Kagurangnan, an nagtaram.”

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 33:7

Papauswagon ko an Juda saka an Israel, asin papatindogon ko giraray sinda arog kan dati.

Jeremias 43:4

Si Johanan, an gabos na opisyal kan hukbo, asin an gabos na tawo dai nagkuyog sa pagboot nin Kagurangnan na magdanay sa daga nin Juda.

Ezekiel 36:36

Dangan maaaraman kan mga nasyon na nagkatarada sa palibot mo na ako, an Kagurangnan, an naghihirahay kan mga raot na syudad asin nagtatanom sa kaomahan na kaidto alang. Ako, an Kagurangnan, an nagtaram, asin gigibohon ko iyan.”

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:4

Nagpoon sa paglakaw sa syudad si Jonas, asin pakalakaw niya nin sarong aldaw, nagpahayag siya, “Matutunaw an Nineve pakalihis nin kwarentang aldaw!”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Mga Gibo 15:16

‘Pakatapos kaini, mabalik ako; papatindogon ko giraray an harong ni David na nagaba; hihirahayon ko an naraot na iyan, dangan papatindogon ko liwat,

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.