Jeremias 41:5 - Marahay na Bareta Biblia

⁵ otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Jeremias 41:5 ပူးပေါင်းရင်းမြစ်များ

Genesis 33:18

Sa saiyang pagpuli hale sa Mesopotamia, nakaabot si Jacob sa syudad nin Shekem, sa daga nin Canaan. Nagkampo siya sa sarong oma na harani sa syudad.

Genesis 34:2

Kan mahiling siya ni Shekem, na aki ni Hamor na Heveo, na prinsipe kan daga, kinua siya kaini asin linupigan.

Genesis 37:12

Sarong aldaw, nagpaduman sa Shekem an mga tugang ni Jose tanganing pasabsabon an mga hayop kan saindang ama.

2 Samuel 10:4

Kaya dinakop ni Hanun an mga sinugo ni David, inahit an kabanga kan saindang mga barabas, pinutol sa may piad an saindang mga gubing, dangan pinahale sinda.

1 Mga Hade 12:1

Nagduman sa Shekem si Rehoboam, huli ta nagtiripon duman an bilog na Israel tanganing gibohon siyang hade.

1 Mga Hade 12:25

Pinakosog ni Jeroboam an Shekem sa mabulod na daga nin Efraim asin nag-erok siya duman. Dangan naghale siya asin pinakosog an banwa nin Penuel.

1 Mga Hade 16:24

Dangan binakal niya an bulod nin Samaria sa halagang anom na ribong pedaso nin plata sa sarong lalaki na an ngaran Semer. An bulod pinapusog ni Omri, tinugdokan nin sarong banwa, asin nginaranan niyang Samaria, sosog sa ngaran ni Semer na dating kagsadiri kan bulod.

1 Mga Hade 16:29

Kan ikatreynta y otsong taon kan paghahade ni Asa sa Juda, nagin hade sa Israel si Ahab na aking lalaki ni Omri. Naghade siya sa Samaria sa laog nin beynte y dos na taon.

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

1 Mga Cronica 19:4

Kaya dinakop ni Hanun an mga sinugo ni David, inahit an saindang barabas, pinutol sa may piad an saindang mga gubing, dangan pinahale sinda.

Salmo 102:14

Padangat siya kan saimong mga sorogoon, maski ngani siya naraot; naheherak sinda saiya, maski ngani siya naronot.

Salmo 78:60

Binayaan niya an saiyang tolda sa Shilo, an tolda na saiyang pinag-erokan kaiba kan mga tawo.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 41:4

Sunod na aldaw, bago naaraman nin siisay man an manongod sa paggadan ki Gedalias,

Jeremias 47:5

Dakulang kamondoan an nag-abot sa mga taga Gaza, asin dai nagkakaalo an mga taga Askelon. Sagkod nuarin magmomondo an mga natada sa mga Filisteo?

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Jeremias 7:12

Dumuman kamo sa Shilo, an lugar na enot kong pinili tanganing duman ako nindo sambahon, asin hilingon nindo an ginibo ko sa lugar na idto huli kan mga kasalan kan sakong banwaan na Israel.

Jeremias 7:14

Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 24:32

An mga tolang ni Jose, na dinara kan mga Israelita paghale ninda sa Egipto, ilinubong ninda sa Shekem, sa dagang binakal ni Jacob sa mga aki ni Hamor, an ama ni Shekem, sa kantidad na sanggatos na pedasong plata. An dagang ini minana kan kapagarakian ni Jose.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

Hukom 9:1

Si Abimelec, na aking lalaki ni Gideon, nagduman sa Shekem, sa mga kadugo kan saiyang ina. Sinabihan niya sinda

1 Samuel 1:7

Siring kaini an nangyayari taon-taon; kun minaduman sinda sa harong nin Kagurangnan, tinutuyatuya ni Peninna si Hanna, kaya minahibi si Hanna asin dai minakakan.