Jeremias 40:2 - Marahay na Bareta Biblia

² Isiniblag ako kan pinakahalangkaw na opisyal saka sinabihan, “An Kagurangnan na saimong Dios nagpatanid nin karatan sa dagang ini,

Jeremias 40:2 ပူးပေါင်းရင်းမြစ်များ

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Jeremias 52:16

Alagad iwinalat niya sa Juda an nagkapira sa pinakadukha na mayo nin sadiring rogaring, tanganing nagtanom nin ubas saka magtrabaho sa daga.

Levitico 26:14

“Alagad kun dai nindo ako dangogon asin dai nindo gibohon an mga pagboot ko, papadusahan ko kamo.

Deuteronomio 28:15

“Alagad kun magsombikal kamo sa Kagurangnan na saindong Dios, asin dai kamo magmaimbod sa pagkuyog kan gabos niyang togon saka pagboot na itinatao ko saindo ngunyan na aldaw, maabot saindo an mga maldisyon na ini:

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Deuteronomio 32:19

“Nahiling ini nin Kagurangnan asin naanggot siya; an saiyang mga aking lalaki saka babae tinalikodan niya.