Jeremias 40:11 - Marahay na Bareta Biblia

¹¹ Nabaretaan man kan gabos na Israelita na yaon sa Moab, Ammon, Edom, asin sa iba pang daga, na tinugotan kan hade nin Babilonia na mag-erok sa Juda an nagkapirang Israelita asin na ginibo niya si Gedalias bilang gobernador ninda.

Jeremias 40:11 ပူးပေါင်းရင်းမြစ်များ

Genesis 36:8

Kaya nag-erok si Esau sa mabulod na daga nin Edom.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 16:4

Tugotan nindo kaming makihimanwa saindo. Suroga kami sa mga boot gumadan samo.” (An pang-api saka an panggadan matatapos, asin mawawara an mga nagraraot kan daga.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 41:10

Dangan ibinilanggo niya an mga aking babae kan hade asin an iba pang tawo sa Mizpa na ibinugtak ni Nebuzaradan, an pinakahalangkaw na opisyal, sa irarom kan pamamahala ni Gedalias. Binihag sinda ni Ismael asin dinara sinda sa Ammon.

Jeremias 43:5

Dangan dinara ni Johanan asin kan gabos na opisyal kan hukbo pasiring sa Egipto an gabos na natada sa Juda, kaiba an gabos na tawo na nagbalik sa Juda hale sa mga nasyon na pinagwarakan sainda:

Jeremias 43:6

mga lalaki, mga babae, mga aki, asin an mga aking babae kan hade. Dinara ninda an lambang tawo na ibinugtak ni Nebuzaradan, an pinakahalangkaw na opisyal, sa pamamahala ni Gedalias; kaiba ako asin si Baruc sa mga dinara ninda.

Ezekiel 25:12

Nagtaram an Kagurangnan Dios, “Huli ta nagbalos an Edom sa banwaan nin Juda, asin an pagbalos na iyan sarong makuring kasalan kan Edom,

Ezekiel 25:2

“Aki nin tawo, kondenaron mo an daga nin Ammon.

Ezekiel 25:6

“Ini an itinataram nin Kagurangnan Dios: Nag-oropak kamo asin nagrulukso sa kaogmahan. Ikinaongis nindo an daga nin Israel.

Ezekiel 25:8

Nagtaram an Kagurangnan Dios, “Huli ta nagsabi an Moab na an Juda arog sa ibang mga nasyon,

Ezekiel 34:6

Kaya an sakong mga karnero nagkaralagalag sa kabukidan saka sa kabubuldan. Nagkawararak sinda sa bilog na daga asin mayo man lamang nin naghanap saka naghingowang makua sinda.

Ezekiel 35:15

siring na nag-ogma ka kan marumpag an Israel, an nasyon na sadiri ko. An bukid nin Edom, an bilog na daga nin Edom, magigin mamondo. Dangan maaaraman kan gabos na ako an Kagurangnan.”

Ezekiel 35:5

“Danay na kaiwal ka nin Israel asin pinabayaan mong magkagaradan an mga namamanwaan diyan sa panahon nin saindang kasakitan, an panahon nin huring pagpadusa sainda huli kan saindang mga kasalan.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 5:3

Magtada ka nin nagkapirang buhok asin patoson mo sa gayad kan saimong gubing.

Mga Bilang 22:1

Nagpadagos sa pagbaklay an mga Israelita asin nagkampo sinda sa kapatagan nin Moab, sa sirangan kan Jordan asin kahampang kan Jerico.

Mga Bilang 25:1

Kan magkampo sa Sittim an mga Israelita, nagpoon na makidorog an mga lalaki sa mga babaeng Moabita na yaon duman.

Mga Bilang 25:2

Inalok sinda kan mga babaeng ini na magdolot sa saindang mga dios-dios. Nagkakan an mga Israelita asin nagsamba sa dios-dios

1 Samuel 11:1

Pakalihis nin haros sarong bulan, pinangenotan ni Hadeng Nahas kan Ammon an saiyang hukbo asin sinalakay an banwaan nin Jabes sa teritoryo nin Gilead. Sinabihan si Nahas kan mga taga Jabes, “Makipagtipan ka samo, asin paglilingkodan mi ika.”

1 Samuel 12:12

Alagad kan mahiling nindo na sasalakayon kamo ni Hadeng Nahas nin Ammon, hinaboan nindo an Kagurangnan bilang saindong hade dangan sinabihan nindo ako, ‘Boot ming magkaigwa nin sarong hade na masakop samo.’