Jeremias 40:10 - Marahay na Bareta Biblia

¹⁰ Mag-eerok ako digdi sa Mizpa tanganing magrepresentar para saindo kun magdigdi an mga taga Babilonia. Pwede kamong magtipon saka magsaray nin arak, mga bunga nin kahoy, saka lana nin oliba. Mag-eerok kamo sa mga baryo na saindong mapili.”

Jeremias 40:10 ပူးပေါင်းရင်းမြစ်များ

2 Samuel 16:1

Kan nakaoroenotan na si David sa alitoktok kan bulod, sinabat siya ni Ziba, an sorogoon ni Mefiboset, na may guyod na duwang asnong kargado nin dos syentos na tinapay, sanggatos na pungot nin pasas, sanggatos na pungot nin preskong mga prutas, asin sarong laogan na anit na pano nin arak.

1 Mga Hade 10:8

Paladan an saimong mga agom! Paladan an mga sorogoon mong ini, na danay na naglilingkod sa atubang mo asin naghihinanyog kan saimong kadonongan.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Mga Talinhaga 27:25

Putola an mga dagami saka mga doot sa kabubuldan mantang nagtatalubo an dagaming sunod na puputolon.

Isaias 16:9

Ngunyan naghihibi ako para sa mga balagon nin Sibma siring na ako naghihibi para sa Jazer. Nagtatagdo an sakong mga luha para sa Hesbon asin Eleale, huli ta mayo nang aanihon na makakapaogma sa mga tawo.

Jeremias 35:19

Kaya ako, an Kagurangnan nin mga hukbo, an Dios nin Israel, nanunuga na si Jonadab na aking lalaki ni Recab danay na magkakaigwa nin sarong lalaking kapagarakian na maglilingkod sako.”

Jeremias 39:10

Iwinalat niya sa daga nin Juda an mga dukha na mayo nin rogaring, dangan tinawan sinda nin ubasan saka oma.

Jeremias 40:12

Kaya naghale sinda sa mga lugar na pinagwarakan sainda, saka nagbalik sa Juda. Nagduman sinda ki Gedalias sa Mizpa, asin nagtiripon sinda nin dakul na arak saka mga bunga nin kahoy.

Jeremias 40:6

Nagduman ako ki Gedalias sa Mizpa saka nag-erok sa kaibahan kan mga tawo na nawalat sa daga nin Juda.

Jeremias 43:5

Dangan dinara ni Johanan asin kan gabos na opisyal kan hukbo pasiring sa Egipto an gabos na natada sa Juda, kaiba an gabos na tawo na nagbalik sa Juda hale sa mga nasyon na pinagwarakan sainda:

Jeremias 48:32

Orog pa sa pagtangis ko para sa mga taga Jazer an gigibohon kong pagtangis para saindo, mga taga Sibma. Syudad nin Sibma, garo ka sarong balagon na an mga sanga nakalampas sa Gadan na Dagat asin nakaabot sa Jazer. Alagad ngunyan, rinaot na an mga bunga kan saimong mga kahoy saka mga ubas.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Deuteronomio 1:38

Alagad pakosoga an boot kan saimong katabang na si Josue na aki ni Nun. Siya an mangengenot sa Israel sa pagsakop kan daga.’

Deuteronomio 16:13

“Pakaginik nindo kan saindong ani asin pakapugaa nindo kan saindong mga ubas, selebraron nindo an Pyesta nin mga Harong-harong sa laog nin pitong aldaw.