Jeremias 4:6 - Marahay na Bareta Biblia

⁶ Tukdoan an dalan pasiring sa Sion! Magdurulag kamo! Dai na kamo mag-abala! Hale sa amihan may dara an Kagurangnan na karatan saka dakulang pagraot.

Jeremias 4:6 ပူးပေါင်းရင်းမြစ်များ

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Jeremias 10:22

Paghinanyog! Igwang nag-abot na bareta! Igwa nin dakulang karibokan sa sarong nasyon sa amihan; an saindang hukbo iyo an maraot kan mga syudad nin Juda asin ini magigin sarong desyerto, sarong lugar saen pag-eerokan kan mga lalaw na ayam.”

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 22:7

Mapadara ako nin mga tawong magaba kaiyan; an lambang saro sainda may darang patok. Puputolon ninda an magagayon na hariging sedro kaiyan saka itatapok sa kalayo.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 4:21

Sagkod nuarin ko hihilingon an ralaban asin dadangogon an tanog kan mga trompeta?

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Jeremias 50:22

Madadangog sa daga an ribok nin gera asin an dakulang paggaba.

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 51:54

Nagsasabi an Kagurangnan, “Hinanyoga nindo an tingog nin pagtangis sa Babilon, an tingog nin pagmondo huli sa pagkaraot kan daga.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Jeremias 6:22

An Kagurangnan nagtataram, “May maabot na mga tawong hale sa sarong lugar sa amihan; sarong makosog na nasyon sa harayong lugar an nag-aandam para sa gera.

Ezekiel 9:1

Dangan nadangog kong nagkurahaw an Dios, “Dumigdi kamo, mga lalaking mapadusa sa syudad. Daraha nindo an saindong mga armas.”

Ezekiel 9:2

Hale sa trangkahan na nasa luwas kan Templo sa amihan, nag-abot tolos an anom na lalaki, na an lambang saro may armas. Kaiba ninda an sarong lalaking nakagubing nin lino, na may darang sarong pansurat. Naglaog sinda dangan nagtindog sa may bronseng altar.

Sofonias 1:10

“Sa aldaw na idto,” an sabi nin Kagurangnan, “madadangog nindo an paghibi sa Trangkahan nin Sira sa Jerusalem. Madadangog nindo an inagrangay sa bagong kabtang kan syudad asin an dakulang ribok nin pagkarumpag sa kabubuldan.

Zacarias 6:6

An karwaheng guyod kan itom na mga kabayo nagpapasiring sa Babilonia, an puting mga kabayo nagpapasiring sa solnopan, asin an kabang na mga kabayo nagpapasiring sa daga sa habagat.