Jeremias 4:28 - Marahay na Bareta Biblia

²⁸ Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Jeremias 4:28 ပူးပေါင်းရင်းမြစ်များ

Isaias 24:4

An daga magigin mamara asin alang; an bilog na kinaban luluyahon; sabay na malalapa an daga saka an kaitaasan.

Isaias 34:4

An aldaw, bulan, saka bitoon maroronot siring sa alpog. Mawawara an langit siring sa sarong banig na linukot, asin mahuhulog an mga bitoon siring sa mga dahon na natatakdag hale sa balagon o sa kahoy nin higera.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Isaias 50:3

Mapapadiklom ko an kalangitan, na garong nagmomondo iyan para sa gadan.”

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 23:10

An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Jeremias 23:20

asin dai iyan maontok sagkod na dai pa niya matapos an boot niyang gibohon. Sa huring aldaw malinaw na masasabotan ini kan saiyang banwaan.”

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Jeremias 7:16

Nagtaram an Kagurangnan, “Jeremias, dai mo ipagpamibi an mga tawong ini. Dai ka maghibi ni mamibi para sainda; dai ka makimaherak sako huli ta dai taka dadangogon.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Ezekiel 24:14

Ako, an Kagurangnan, an nagtaram. Uminabot na an panahon na dapat akong maghiro. Dai ko paliligtason an saimong mga kasalan; mayo ako nin paliligtason o maheherakan. Papadusahan taka huli kan saimong mga ginibo.” An Kagurangnan Dios an nagtaram.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Joel 1:10

Mayo nang kaomahan; an daga nagmomondo huli ta naraot an mga tanom na trigo, naalang an mga ubas, asin nagkaaralang an mga kahoy na oliba.

Zacarias 8:14

Nagtataram an Kagurangnan nin mga hukbo, “Kan paanggoton ako kan saindong mga ginikanan, inisip kong maldisyonon sinda, asin dai ko liniwat an sakong inisip kundi ginibo ko iyan.

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mateo 27:45

Pagkaodto, nagdiklom sa bilog na daga sagkod alas tres nin hapon.

Markos 15:33

Pagkaodto, nagdiklom sa bilog na daga sagkod alas tres nin hapon.

Lukas 23:44

Kan maodto na, nag-ontok sa pagsaldang an aldaw asin nagdiklom an bilog na daga sagkod alas tres nin hapon;

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.

Efeso 1:9

tanganing masabotan ta an hilom na plano na ootobon niya diyan ki Cristo,

Hebreyo 7:21

Alagad si Jesus nagin padi huli sa sarong sumpa kan magsabi an Dios saiya, “An Kagurangnan nagsumpa asin dai niya ini babaweon: ‘Ika padi sagkod pa man.’”

Kapahayagan 6:12

Nahiling ko na tinangkas kan Kordero an ikaanom na selyo. Naglinog nin makosog, nagdiklom an aldaw arog kan itom na tela, saka an bulan nagpula na garo dugo;

1 Samuel 15:29

Dai nagpuputik o nagbabago nin isip an mamurawayon na Dios nin Israel. Bako siya tawo—dai siya nagbabago nin isip.”