Jeremias 4:27 - Marahay na Bareta Biblia

²⁷ Nagtaram an Kagurangnan na an bilog na daga magigin sarong kalangtadan, alagad dai niya iyan raraoton nanggad.)

Jeremias 4:27 ပူးပေါင်းရင်းမြစ်များ

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

Isaias 17:6

Kadikit sanang tawo an matatada, asin an Israel makakaarog sa sarong kahoy nin oliba na ginunoan nin mga bunga: duwa o tolo sanang bunga kaini an matatada sa mga sanga sa itaas o sa ibaba. Ako, an Kagurangnan Dios nin Israel, an nagtaram.”

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Jeremias 4:20

Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 44:6

Kaya an sakong labi-labing kaanggotan inula ko sa mga banwa nin Juda asin sa mga tinampo nin Jerusalem, saka sinulo ko an mga ini. Naraot asin nagin sarong tanawon na nakakatakot ini sagkod ngunyan.

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Jeremias 5:10

Susugoon ko an mga kaiwal na raoton an mga ubasan kan sakong banwaan, alagad na dai pagraoton an gabos. Sasabihan ko sinda na putolon an mga sanga, huli ta bako kong sadiri an mga sangang idto.

Jeremias 5:18

An Kagurangnan nagsasabi, “Alagad dai ko nanggad pupuhoon an sakong banwaan maski sa panahon na iyan.

Jeremias 7:34

An daga magigin sarong desyerto. Sa mga syudad nin Juda saka sa mga tinampo nin Jerusalem paoontokon ko an mga tingog nin kaogmahan asin kagayagayahan. Paoontokon ko an maogmang tingog nin mga bagong kasal.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 2:7

Isinikwal nin Kagurangnan an saiyang altar asin binayaan an saiyang banal na Templo. An mga kudal kaini itinugot niyang rumpagon kan mga kaiwal, na nagkurahaw sa kapangganahan sa lugar na pinagsambahan mi kaidto.

Ezekiel 11:13

Mantang nagpopropesiya ako, natumbang gadan si Pelatias. Nagdapa ako dangan nagkurahaw, “Kagurangnan Dios! Gagadanon mo daw an gabos na natada sa Israel?”

Ezekiel 20:17

“Alagad naherak ako sainda; dai ko sinda ginadan duman sa kalangtadan.

Ezekiel 33:28

Gigibohon kong mamondo saka alang an daga, asin matatapos an kapangyarihan na ipinag-oorgulyo ninda. An kabukidan nin Israel magigin makatatakot kaya mayo na nin maagi duman.

Ezekiel 6:14

Uunaton ko an sakong kamot laban sainda. An saindang daga raraoton ko asin gigibohon na mamondo, magpoon sa kalangtadan sa habagat sagkod sa syudad nin Ribla sa amihan; mayo akong papaligtason sa arin man na lugar na pinag-eerokan kan mga Israelita. Dangan maaaraman kan gabos na ako an Kagurangnan.”

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Levitico 26:44

Alagad maski idtoon sinda sa daga kan saindang mga kaiwal, dai ko nanggad sinda papabayaan o gagadanon, huli ta pagsuway iyan sa tipan ko sainda, asin ako an Kagurangnan na saindang Dios.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.