Jeremias 4:23 - Marahay na Bareta Biblia

²³ Hiniling ko an daga—mayo ini nin porma saka laog; an kalangitan—mayo ini nin ilaw.

Jeremias 4:23 ပူးပေါင်းရင်းမြစ်များ

Genesis 1:2

an kinaban mayo nin ano man na porma saka laog. An nag-aalimbukay na kadagatan na minatahob kaini napapatos nin kadikloman asin an espiritu nin Dios naghihiro sa ibabaw kan katubigan.

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Jeremias 2:12

Kaya pinagbobotan ko an langit na magtakig sa takot, na magngalas saka mamongnan,

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Mga Panambitan 3:2

Padagos na inalaw niya ako pasiring sa kadikloman

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Zacarias 14:6

Pag-abot kan panahon na iyan, dai na magkakaigwa nin lipot o yelo,

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.