Jeremias 4:20 - Marahay na Bareta Biblia

²⁰ Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Jeremias 4:20 ပူးပေါင်းရင်းမြစ်များ

Salmo 42:7

Kairaroman nag-aapod sa kairaroman, sa ribok nin saimong mga katubigan; ako nalantopan kan saimong mga pagbulos asin kan gabos mong mga alon.

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Exodo 33:5

Huli ta ipinagboot nin Kagurangnan ki Moises na sabihan an mga Israelita, “Saro kamong banwaan na matagas an payo. Kun mag-iba ako saindo maski dikit sanang panahon, tutunawon ko kamo. Kaya halea nindo ngunyan an saindong mga alahas, asin madesisyon ako kun ano an gigibohon ko sa saindo.”

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Isaias 47:9

Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Isaias 54:2

Padakulaa an tolda na saimong pinag-eerokan; sugponi an mga lubid asin pakosoga an mga taldok kaiyan!

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 4:21

Sagkod nuarin ko hihilingon an ralaban asin dadangogon an tanog kan mga trompeta?

Jeremias 4:27

Nagtaram an Kagurangnan na an bilog na daga magigin sarong kalangtadan, alagad dai niya iyan raraoton nanggad.)

Jeremias 4:6

Tukdoan an dalan pasiring sa Sion! Magdurulag kamo! Dai na kamo mag-abala! Hale sa amihan may dara an Kagurangnan na karatan saka dakulang pagraot.

Jeremias 9:18

Nagsabi an mga tawo, “Pahidalion nindo sinda tanganing manambitan para sato sagkod na magburulos an luha sa satong mga mata, asin maghurubag ini huli kan satong pagtangis.”

Mga Panambitan 3:47

Inagihan mi na an pagkagaba asin pagkaraot; namumuhay kami sa takot asin pag-alaman.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Levitico 26:18

“Kun pakatapos kaiyan, dai man giraray kamo magkuyog sako, dadagdagan ko an padusa saindo nin pitong beses huli kan saindong mga kasalan.

Levitico 26:21

“Kun padagos kamong magtalikod asin dai magdangog sako, dadagdagan ko pa nin pitong beses an saindong padusa huli kan saindong mga kasalan.

Levitico 26:24

ako na mismo an maatubang saindo asin papadusahan ko kamo nin pito pang beses kagabat ki sa mga enot na padusa.

Levitico 26:28

sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Habakkuk 3:7

Nahiling ko na nagkatarakot an mga taga Cushan asin nagkurubogkubog an mga taga Midian.

Mga Bilang 16:21

“Humarayo kamo sa mga tawong ini tanganing matunaw ko sinda tolos.”

Mga Bilang 16:45

“Humarayo kamo sa mga tawong iyan asin tutunawon ko sinda tolos!” Nagdapa sindang duwa,

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

2 Tesalonica 1:9

Papadusahan sinda nin kapahamakan na mayong kataposan, hahaleon sa atubang nin Kagurangnan asin sa saiyang mamurawayon na kapangyarihan.