Jeremias 4:19 - Marahay na Bareta Biblia

¹⁹ Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 4:19 ပူးပေါင်းရင်းမြစ်များ

Genesis 49:6

Dai ako masabay sa saindang mga sekretong orolay, Dai man ako maiba sa saindang pagtiripon, Huli ta sa kaanggotan, nanggadan sinda nin tawo Asin sa kakalwagan, pinilayan ninda an mga toro.

2 Mga Hade 4:19

Biglang nagkurahaw an aki sa saiyang ama, “An sakong payo, an sakong payo!” “Darahon mo siya sa saiyang ina,” an sabi kan ama sa saiyang sorogoon.

2 Mga Hade 8:11

Dangan pinagparahiling ni Eliseo si Hazael sagkod na masopog ini. Naghibi si Eliseo.

Salmo 103:1

Kalag ko, mag-omaw ka sa Kagurangnan! Bilog kong pagkatawo, omawon an saiyang banal na ngaran!

Salmo 116:7

Pagbalik, O kalag ko, sa saimong kapahingaloan; huli ta nagin marahayon sa saimo an Kagurangnan.

Salmo 119:136

An sakong mga luha nagbubulos siring sa sarong salog huli ta dai nagkukuyog an mga tawo kan saimong katogonan.

Salmo 119:53

Kun nahihiling ko an mga tampalasan na naglalapas kan saimong katogonan, napapano ako nin kaanggotan.

Salmo 146:1

Omawon an Kagurangnan! Kalag ko, omawon mo an Kagurangnan!

Salmo 16:2

Minasabi ako sa Kagurangnan, “Ika an sakong Kagurangnan; mayo ako nin karahayan na bako saimo gikan.”

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 16:11

Kaya nag-aagrangay ako sa kamondoan para sa Moab asin para sa Kir-heres.

Isaias 21:3

An nahiling saka nadangog ko sa bisyon nagdara sako nin kamondoan asin kulog, kulog na arog kan namamatean nin sarong babaeng nangangaki.

Isaias 21:4

Nagtatalibong an sakong panhiling asin nagtatakig ako sa takot. An kabanggihon na sakong minawot nagdara sako nin katakotan.

Isaias 22:4

Kaya pabayae nindo ako sa mapait kong paghibi para sa sakong mga kahimanwa na nagadan. Hare ako nindo pagrangaha.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Jeremias 23:9

Ronot na an sakong puso, saka nagtatakig ako. Huli sa Kagurangnan, huli kan banal niyang mga tataramon, garo ako sarong burat, sarong tawo na sobra an ininom na arak.

Jeremias 4:21

Sagkod nuarin ko hihilingon an ralaban asin dadangogon an tanog kan mga trompeta?

Jeremias 4:5

Patanoga an trompeta sa bilog na daga! Pagkurahaw nin makosog saka malinaw! Sabihi an mga taga Juda asin mga taga Jerusalem na magdaralagan pasiring sa pinapusog na mga syudad.

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Jeremias 50:22

Madadangog sa daga an ribok nin gera asin an dakulang paggaba.

Jeremias 6:24

“Nadangog nyamo an bareta,” an sabi kan mga taga Jerusalem, “asin nanluya an samong mga kamot; inabotan kami nin hadit saka kulog arog sa sarong babae na nangangaki.

Jeremias 8:18

An sakong kamondoan dai mabobolong, an kulog sa sakong puso sakong namamatean.

Jeremias 8:21

Garo maronot an sakong puso huli ta ronot na an sakong banwaan! Nagmomondo ako; nanluluya nanggad an sakong boot.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 1:20

“Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 7:15

Natikbahan ako sa mga bisyon na sakong nahiling, asin napurisaw ako nin marahay.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Mga Bilang 10:9

Kun kamo makigera sa mga kaiwal na nagsalakay saindo sa sadiri nindong daga, patanogon nindo an mga trompeta bilang alarma, tanganing ako, an Kagurangnan na saindong Dios, an matabang saindo asin maligtas sa saindo.

Roma 10:1

Mga tugang, an sakong pagmawot asin pamibi sa Dios sa bilog kong puso iyo na an kapwa ko mga Israelita makaligtas.

1 Corinto 14:8

Sa gera, kun an paratrompeta dai magpatanog nin malinaw, siisay an maandam sa pakilaban?

Galacia 4:19

Namomotan kong mga aki, huli saindo namamatean ko giraray an sakit na inaagihan nin sarong inang nangangaki, sagkod na dai pa nasa saindo si Cristo.

Hukom 5:21

Inanod sinda kan baha sa Kison— an nag-aanggot na katubigan nin Kison. Magmamartsa akong padagos, sa bilog kong kosog!