Jeremias 4:13 - Marahay na Bareta Biblia

¹³ Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 4:13 ပူးပေါင်းရင်းမြစ်များ

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Isaias 5:28

Matarom an saindang mga bosog, asin andam na an saindang mga pana. Garo matagas na gapo an mga kuku kan saindang mga kabayo, asin an mga rweda kan saindang mga karwahe magigin garo aripuros.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 10:19

Nag-agrangay an mga taga Jerusalem, “Makulog nin marahay an samong padusa! Dai na mabobolong an samong mga lugad. Paghona mi matitios nyamo ini!

Jeremias 4:12

kundi sarong makosog na doros na maghahale sa Kagurangnan! An Kagurangnan mismo an nagpapahayag kan padusa sa saiyang banwaan.

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 48:40

Nanuga an Kagurangnan na maabot an sarong nasyon na arog karikas sa agila asin uunaton niya an saiyang mga pakpak laban sa Moab;

Jeremias 49:22

An kaiwal masalakay sa Bozra, na garo agilang nag-iibabang nakaunat an mga pakpak. Sa aldaw na iyan, magkakatarakot an mga soldados nin Edom, arog sa pagkatakot nin sarong babae na madali nang mangaki.”

Jeremias 6:23

Kapot na ninda an saindang mga pana saka mga espada; mga maringis sinda saka mayo nin pagkaherak. An saindang ribok kun sinda naglulunad sa mga kabayo garo an naghahagubohob na dagat. Nakaandam na sinda para sa gera laban sa Jerusalem.”

Jeremias 9:19

Hinanyoga an tingog nin pagtangis sa Sion: “Raot na kita! Hinalean na nanggad kita nin onra! Dapat kitang maghale sa satong daga; huli ta ginaraba na an satong mga harong.”

Mga Panambitan 4:19

An mga naglamag samo mas marikas pa ki sa mga agila sa kaitaasan; linamag ninda kami sa kabubuldan, hinipaan ninda kami sa kalangtadan.

Ezekiel 26:10

Matatahoban ka kan alpog na maitaas huli sa pagpadalagan ninda kan saindang mga kabayo. Huli kan ribok kan saindang mga kabayo na nagguguyod kan mga karwahe saka mga lunadan nin mga kagamitan, matatanyog an saimong mga kudal mantang naglalaog sinda sa mga trangkahan kan narumpag na syudad.

Ezekiel 38:9

Siya, an saiyang hukbo asin an dakul na nasyon na kaibahan niya, masalakay siring sa sarong bagyo asin garo panganoron na tatahoban ninda an daga.”

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 7:4

An enot nakakaagid sa sarong leon alagad igwa ini nin mga pakpak nin agila. Mantang naghihiling ako, natangkas an mga pakpak kan hayop. Dangan initaas an hayop asin pinatindog arog sa sarong tawo. Pakatapos, tinawan ini nin isip nin tawo.

Oseas 8:1

Nagsasabi an Kagurangnan, “Huyopa an trompeta huli ta nagdadangadang na sa sakong daga an mga kaiwal siring sa mga agila! Linapas kan sakong banwaan an sakong tipan, asin nagrebelde sinda tumang sa sakong katukdoan.

Mikas 2:4

Pag-abot kan panahon na iyan, gagamiton nin mga tawo an istorya dapit saindo bilang sarong arogan nin kapahamakan, dangan aawiton ninda ining awit nin mayong paglaom dapit sa nangyari saindo: Buminagsak na nanggad kita! Kinua nin Kagurangnan an satong daga Asin itinao sa mga nagbihag sa sato.”

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Habakkuk 1:8

“An saindang mga kabayo orog pang marikas ki sa mga leopardo, mas maringis pa ki sa gutom na mga lobo. An saindang mga parakabayo nag-aarabot hale sa harayong mga lugar; sa rikas kan saindang pangangabayo, garo sinda mga agilang naglalayog pasiring sa saindang biktima.

Zacarias 6:1

Nagkaigwa pa ako nin sarong bisyon. Sa bisyon na ini, nahiling ko an apat na karwahe na nagluluwas hale sa pagultanan kan duwang bronseng bukid.

Mateo 24:30

Dangan an tanda kan Aki nin Tawo matunga sa kalangitan; magtatangis an gabos na tawo, saka mahihiling nindang maabot an Aki nin Tawo na nasa ibabaw kan mga panganoron, may kapangyarihan asin dakulang kamurawayan.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!