Jeremias 4:11 - Marahay na Bareta Biblia

¹¹ Maabot an panahon na an mga taga Jerusalem sasabihan na may mainit na doros na mahoyop sainda hale sa desyerto. Bako iyan maluyang doros na mapalid sana kan ata,

Jeremias 4:11 ပူးပေါင်းရင်းမြစ်များ

Salmo 11:6

Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

Isaias 22:4

Kaya pabayae nindo ako sa mapait kong paghibi para sa sakong mga kahimanwa na nagadan. Hare ako nindo pagrangaha.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 41:16

Papatoronon mo sinda; dadarahon sinda kan doros sa harayo, asin iwawarak sinda kan bagyo. Dangan magigin maogma ka huli ta ako an saimong Dios; oomawon mo ako, an banal na Dios nin Israel.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Jeremias 13:24

Iwawarak ka nin Kagurangnan arog kan dagami na ipinapalid kan doros na hale sa desyerto.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 23:19

An saiyang kaanggotan sarong bagyo, sarong makosog na doros na mahampak sa payo kan mga tampalasan,

Jeremias 4:12

kundi sarong makosog na doros na maghahale sa Kagurangnan! An Kagurangnan mismo an nagpapahayag kan padusa sa saiyang banwaan.

Jeremias 8:19

Dangoga! Sa bilog na daga nadadangog an kinurahaw kan sakong banwaan, “Mayo na daw sa Sion an Kagurangnan? Mayo na daw duman an hade nin Sion?” An Kagurangnan, an saindang hade nagsimbag, “Tadaw ta pinapaanggot nindo ako sa paagi kan pagsamba sa mga ladawan asin sa pagluhod sa mga dios-dios na dai nindo midbid saka mayo nin halaga?”

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Jeremias 9:7

Huli kaini minasabi an Kagurangnan nin mga hukbo, “Lilinigan ko an sakong banwaan asin babaloon ko sinda. Huli ta ano pa an sakong magigibo para sa banwaan kong naggibo nin karatan?

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Mga Panambitan 3:48

An sakong mga mata nagbubulos nin mga salog nin luha sa kapahamakan kan sakong banwaan.

Mga Panambitan 4:10

Sa makuring kasakitan na nag-abot sa sakong banwaan, linuto kan mga mamomoton na ina an saindang kaakian tanganing magin kakanon.

Mga Panambitan 4:3

Maski an babaeng lobo nagpapasuso kan saiyang mga ogbon, alagad an sakong banwaan arog na sa ostrits na maringis sa saiyang mga ogbon.

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Ezekiel 17:10

Totoo, itinanom na iyan, alagad magtatalubo daw iyan asin mabubuhay? Dai daw iyan maaalang kun hampason iyan kan doros na gikan sa sirangan? Dai daw iyan maalang sa saiyang namumugtakan?”

Ezekiel 19:12

Alagad ginabot ini nin anggot na mga kamot dangan itinapok sa daga. An mga bunga kaini naalang sa huyop kan doros na hale sa sirangan. Binari an mga sanga kaini, naalang dangan sinulo.

Oseas 13:15

Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Oseas 4:19

Dadarahon sinda sa harayo na garo ipinalid kan doros, asin magkakasoropog sinda huli kan saindang paganong mga sakripisyo.

Habakkuk 1:11

Dangan minadagoso sinda siring sa doros asin nawawara, sinda na an kapangyarihan iyo an mismo nindang dios.”

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Lukas 3:17

May dara siyang saligsigan nganing saligsigon an gabos na inani. An trigo titiponon niya sa saiyang harong-harong, alagad an ata susuloon sa kalayong dai nasisigbo!”