Jeremias 39:5 - Marahay na Bareta Biblia

⁵ Alagad linamag sinda kan hukbo nin Babilonia asin nadakop si Zedekias sa kapantayan na harani sa Jordan. Dinara ninda siya ki Hadeng Nebukadnezzar, na nasa syudad nin Ribla, sa teritoryo nin Hamat; duman itinao ni Nebukadnezzar an padusa saiya.

Jeremias 39:5 ပူးပေါင်းရင်းမြစ်များ

2 Samuel 8:9

Kan madangog ni Toi na hade kan Hamat na dinaog ni David an bilog na hukbo ni Hadadezer,

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

2 Mga Hade 23:33

Natapos an saiyang paghahade kan mabihag siya ni Neco na hade nin Egipto. Ibinilanggo ni Neco si Joahaz sa Ribla, sa daga nin Hamat, dangan pinapagbuhis an Juda nin tres mil kwatro syentos kilos na plata asin treynta y kwatro kilos na bulawan.

2 Mga Hade 25:6

Binihag ninda si Zedekias dangan dinara ki Hadeng Nebukadnezzar, na yaon kaidto sa Ribla, asin duman itinao saiya ni Nebukadnezzar an maninigong padusa.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

Isaias 22:3

An gabos mong lider nagdurulag dangan nadakop bago nakapana nin sarong bosog.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 24:8

“Alagad manongod ki Hadeng Zedekias nin Juda, sa saiyang mga lider, sa iba pang mga taga Jerusalem na nagpawalat sa dagang ini o nagduman sa Egipto—ako, an Kagurangnan, an matratar sainda siring sa ralapang higera na dai pwedeng kakanon.

Jeremias 38:18

Alagad kun dai ka magsuko, itatao an syudad na ini sa mga taga Babilonia. Susuloon ninda ini, asin dai ka makakadulag sainda.”

Jeremias 38:23

Nagsabi pa ako, “Dadarahon kan mga taga Babilonia an gabos mong agom saka aki; dai ka makakadulag sainda. Dadarahon ka bilang sarong bihag kan hade nin Babilonia, asin susuloon an syudad na ini.”

Jeremias 4:12

kundi sarong makosog na doros na maghahale sa Kagurangnan! An Kagurangnan mismo an nagpapahayag kan padusa sa saiyang banwaan.

Jeremias 44:30

Itatao ko si Hadeng Hofra nin Egipto sa saiyang mga kaiwal na boot gumadan saiya, siring na itinao ko si Hadeng Zedekias nin Juda ki Hadeng Nebukadnezzar nin Babilonia, na saiyang kaiwal saka boot gumadan saiya.”

Jeremias 49:23

Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Ezekiel 23:24

Sasalakayon ka ninda hale sa amihan, kaiba an dakulang hukbo saka mga karwahe asin mga lunadan nin armas. Papalibotan ka kan hukbong ini na armado nin kalasag saka helmet, dangan huhukoman ka ninda sosog sa saindang mga pagsusundon.

Habakkuk 1:7

Pinapalakop ninda an takot saka kadahasan, asin sa saindang kapalangkawan, sinda mismo an naggigibo nin pagboot.

Mga Bilang 13:21

Kaya nagpasiring sa amihan an mga espiya asin siniyasat ninda an daga magpoon sa kalangtadan nin Zin sa parteng habagat sagkod sa Rehob, harani sa Dalan nin Hamat sa amihan.

Josue 13:5

an daga kan mga Gibalita; an bilog na Lebanon sa sirangan, magpoon sa Baal-gad sa habagat kan Bukid nin Hermon, sagkod sa Dalan nin Hamat.

Josue 4:13

Sa atubang nin Kagurangnan, maabot sa kwarenta mil na lalaki na andam sa pakilaban an buminalyo pasiring sa kapatagan nin Jerico.

Josue 5:10

Mantang nasa Gilgal an mga Israelita duman sa kapatagan na harani sa Jerico, nagselebrar sinda kan Paskwa sa banggi kan ikakatorseng aldaw kan bulan.

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.