Jeremias 39:4 - Marahay na Bareta Biblia

⁴ Kan mahiling ni Hadeng Zedekias asin kan gabos niyang soldados an nangyayari, naghingowa sindang makahale sa syudad pagkabanggi. Nag-agi sinda sa tatamnan kan hade, sa trangkahan sa pagultanan kan duwang kudal, asin nagpasiring sa Kapantayan nin Jerico.

Jeremias 39:4 ပူးပေါင်းရင်းမြစ်များ

2 Mga Cronica 32:5

Pinakosog kan hade an syudad sa paagi nin paghirahay kan kudal, pagtugdok nin mga tore sa ibabaw kan kudal, asin pagtugdok nin saro pang panluwas na kudal. Laen pa kaini, hinirahay man niya an mga depensa na itinugdok sa lugar na tambakan nin daga sa sirangan na parte kan lumang kabtang nin Jerusalem. Nagpagibo man siya nin dakul na armas saka mga kalasag.

Isaias 22:11

guminibo kamo sa laog kan syudad nin sarong tangkeng pagtitiponan nin tubig na naghahale sa daan na sapa. Alagad dai nindo tinawan nin halaga an Dios, na nagplano kaini haloy nang panahon asin naggibong mangyari ini.

Isaias 22:3

An gabos mong lider nagdurulag dangan nadakop bago nakapana nin sarong bosog.

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Jeremias 32:4

asin dai makakadulag si Hadeng Zedekias. Itatao siya sa hade nin Babilonia; makakahampang niya ini asin makakaolay.

Jeremias 32:5

Dadarahon si Zedekias sa Babilonia saka magdadanay duman sagkod na magiromdoman ko siya. Maski pa labanan niya an mga taga Babilonia, dai siya manggagana. Ako, an Kagurangnan, an nagtaram.”

Ezekiel 12:12

An prinsipe na naghahade sainda mapasan kan saiyang kagamitan pasiring sa diklom dangan madulag huli sa pag-agi sa sarong labot na ginibo ninda sa kudal para saiya. Tatahoban niya an saiyang mga mata asin dai niya mahihiling kun saen siya maduman.

Ezekiel 12:4

Mantang maliwanag pa, andamon mo sa atubang ninda an kagamitan bilang sarong itinapok, asin kaipuhan mahiling ninda an paghale mo pagkabanggi, na garong itatapok ka.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Levitico 26:36

“Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Amos 2:14

Dai makakaligtas maski an pinakamarikas na paradalagan; mawawaraan nin kosog an makokosog na mga lalaki, asin dai ikakaligtas kan mga soldados maski an saindang buhay.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.