Jeremias 39:1 - Marahay na Bareta Biblia

¹ Kan ikasampolong bulan kan ikasiyam na taon kan paghahade ni Zedekias sa Juda, nag-abot si Hadeng Nebukadnezzar kaiba an bilog niyang hukbo asin sinalakay an Jerusalem.

Jeremias 39:1 ပူးပေါင်းရင်းမြစ်များ

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Jeremias 32:1

Nagtaram sako an Kagurangnan kan ikasampolong taon kan paghahade sa Juda ni Zedekias, na iyo an ikadyes y otsong taon kan paghahade ni Nebukadnezzar sa Babilonia.

Jeremias 34:1

Nagtaram sako an Kagurangnan kan an Jerusalem saka an mga kataraed na banwa kaini sinasalakay ni Hadeng Nebukadnezzar nin Babilonia asin kan saiyang hukbo, katabang an gabos na nasyon saka rasa na sakop niya.

Jeremias 34:22

Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 42:18

“Nagtataram an Kagurangnan, an Dios nin Israel, ‘Kun paano ko inula an sakong labi-labing kaanggotan sa mga taga Jerusalem, siring man iuula ko an sakong kaanggotan sa saindo kun magduman kamo sa Egipto. Kamo magigin sarong nakakatakot na tanawon; susubahan kamo kan mga tawo asin gagamiton ninda an saindong ngaran bilang sarong maldisyon. Dai na nanggad nindo mahihiling an lugar na ini.’”

Jeremias 52:1

Beynte y unong taon an edad ni Zedekias kan siya magin hade sa Juda, asin onseng taon siyang naghade sa Jerusalem. An saiyang ina iyo si Hamutal na aki ni Jeremias na taga Libna.

Jeremias 6:6

Pinagbotan kan Kagurangnan nin mga hukbo an mga hadeng ini na magpalod nin mga kahoy saka magtambak nin mga daga tanganing malaom ninda an Jerusalem. Nagtaram siya, “Papadusahan ko an Jerusalem huli ta syudad ini nin pang-aapi.

Ezekiel 33:21

Kan ikalimang aldaw kan ikasampolong bulan kan ikadoseng taon kan samuyang pagkatapokan, sarong lalaking nakadulag hale sa Jerusalem an nag-abot dangan nagbareta sako kan pagbagsak kan Jerusalem.

Ezekiel 4:3

Kumua ka nin kawaleng lansang asin ibugtak mo iyan na garo kudal sa pagultanan mo asin kan syudad. Atubangon mo an syudad na garo sinasalakay an syudad, asin ika an nagsasalakay kaiyan. Ini an magigin tanda para sa nasyon nin Israel.

Ezekiel 40:1

Kan ikasampolong aldaw kan bagong taon, na iyo an ikabeynte y singkong taon nin samuyang pagkatapokan, asin ikakatorseng taon kan pagkasakop nin Jerusalem, namatean ko an mapangyaring presensya nin Kagurangnan.

Ezekiel 5:2

An saro sa tolong kabtang suloon mo sa tahaw kan syudad kun tapos na an pagsalakay. An ikaduwang kabtang kan buhok purutolon mo kan saimong espada mantang naglilibot ka sa syudad, dangan an ikatolong kabtang kan buhok iwarak mo tanganing ipadpad kan doros asin lalamagon ko iyan kan sakong espada.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Deuteronomio 28:36

“Kamo asin an saindong hade dadarahon nin Kagurangnan sa sarong dayuhan na daga, na dai pa nindo naaraman ni kan saindong mga ginikanan. Duman malingkod kamo sa mga dios-dios na gibo sa kahoy saka gapo.