Jeremias 38:6 - Marahay na Bareta Biblia

⁶ Kaya kinua ninda ako saka itinunton sa bubon ni Prinsipe Malkias, na yaon sa patyo kan palasyo. Bakong tubig kundi laboy an laog kan bubon, asin nag-irarom ako sa laboy.

Jeremias 38:6 ပူးပေါင်းရင်းမြစ်များ

Genesis 37:24

dangan dinara siya ninda asin ihinulog sa sarong mamarang bubon.

Salmo 109:5

Binabalosan ninda ako nin karatan para sa karahayan; nin pagkaanggot para sa pagkamoot.

Salmo 40:2

Hinawas niya ako sa makatakot na kutkot; hale sa hararom na laboy. Mga bitis ko pinamugtak niya sa gapo; mga lakad ko saiyang pinakosog.

Salmo 69:2

Nag-iirarom ako sa laboy, asin mayo nin daga na matutongtongan. Nakakaabot ako sa tubig na hararom, nalalantopan ako kan mga alon.

Jeremias 32:2

Kan panahon na idto, sinasalakay an Jerusalem kan hukbo kan hade nin Babilonia, asin nabibilanggo ako sa patyo kan palasyo kan hade nin Juda.

Jeremias 36:26

Dangan pinagbotan kan hade si Prinsipe Jerameel, si Seraias na aking lalaki ni Azriel saka si Selemias na aking lalaki ni Abdeel, na dakopon ako saka si Baruc na sakong sekretaryo. Alagad itinago kami nin Kagurangnan.

Jeremias 37:16

Ilinaog ninda ako sa sarong selda sa irarom kan daga asin haloy akong ibinilanggo duman.

Jeremias 37:21

Kaya nagboot si Hadeng Zedekias na ibilanggo ako sa patyo kan palasyo. Nag-ontok ako duman, asin aroaldaw tinatawan ako nin sarong tinapay hale sa panaderia sagkod na naubos an gabos na tinapay sa syudad.

Jeremias 38:13

asin binaton ninda ako sagkod na ikaluwas sa bubon. Pakatapos, nag-ontok ako sa patyo kan palasyo.

Jeremias 38:22

Nahiling ko sa bisyon na ilinuluwas kan mga opisyal kan hade nin Babilonia an gabos na babaeng natada sa palasyo sa Juda. Hinanyoga an sinasabi ninda mantang naglalakaw sinda, ‘An Hade dinaya kan pinakaharani niyang mga katood, asin dinaog ninda siya. Ngunyan na nag-irarom sa laboy an saiyang mga bitis, binayaan siya kan saiyang mga katood.’”

Daniel 6:16

Kaya nagboot an hade na dakopon si Daniel asin ihulog sa kalot na pano nin leon. Sinabihan kan hade si Daniel, “Iligtas ka logod kan saimong Dios, na maimbod mong pinaglilingkodan.”

Zacarias 9:11

Nagtataram an Kagurangnan, “Huli kan pakikipagtipan ko saindo na sinelyohan kan dugo nin mga sakripisyo, tatalingkasan ko an saimong banwaan— talingkas sa mayong tubig na kalot nin pagtapokan.

Mga Gibo 16:24

Kaya sosog sa pagboot, ilinaog sinda kan bantay sa pinakalaog na selda, saka ilinaog an mga bitis ninda sa luho kan duwang magabat na kahoy.

Hebreyo 10:36

Kaipuhan na magin matinios kamo tanganing magibo nindo an kabotan nin Dios; asin maako nindo an saiyang mga panuga.