Jeremias 38:4 - Marahay na Bareta Biblia

⁴ Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Jeremias 38:4 ပူးပေါင်းရင်းမြစ်များ

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

2 Mga Cronica 24:21

Alagad nagkasararo sinda laban ki Zacarias asin sa pagboot kan hade, ginapo siya ninda duman sa patyo kan Templo.

Esdras 4:12

“Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Nehemias 6:9

Boot sana ninda kaming takoton tanganing maontok an trabaho. Dangan namibi ako, “O Dios, pakosoga man ako!”

Exodo 5:4

Alagad sinabihan kan hade si Moises asin si Aaron, “Tano ta papaontokon nindo an mga tawo sa pagtrabaho? Balik kamo sa saindong mga gibo!

Jeremias 11:21

Boot akong ipagadan kan mga lalaking taga Anatot, asin sinabihan ninda ako na gagadanon ako ninda kun ipadagos ko an pagpahayag kan mensahe nin Kagurangnan.

Jeremias 18:23

Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 26:11

Dangan tinaraman kan mga padi asin kan mga propeta an mga lider saka mga tawo, “Maninigong hatolan nin kagadanan an tawong ini huli ta nagtaram siya laban sa satong syudad siring sa nadangog nindo.”

Jeremias 29:7

Magtrabaho kamo para sa karahayan kan mga syudad na pinadumanan ko saindo bilang mga bihag. Mamibi kamo sako para sainda, huli ta kun mag-uswag sinda, magigin mauswag man kamo.

Jeremias 38:16

Kaya hilom na nanuga sako si Hadeng Zedekias, “Minasumpa ako sa buhay na Dios, an Dios na nagtao sato nin buhay, na dai taka ipapagadan o itatao sa mga tawo na boot gumadan saimo.”

Jeremias 38:25

Kun maaraman kan mga opisyal na nakipag-olay ako saimo, maarabot sinda tanganing hapoton ka kan pinag-olayan ta. Manunuga sinda na dai ka ninda ipapagadan kun isasabi mo sainda an gabos.

Jeremias 43:3

Si Baruc na aking lalaki ni Nerias iyo an nagpapasunod saimo laban samo, tanganing ikatao kami sa kamot kan mga taga Babilonia, asin tanganing magadan kami o madarang bihag sa Babilonia.”

Ezekiel 22:27

An mga opisyal kan gobyerno garo mga lobo na nagroronot kan mga hayop na saindang ginadan. Minagadan sinda tangani sanang yumaman.

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Mga Gibo 16:20

Isinumbong sinda sa mga opisyal na Romano, “An mga Judiong ini nagpaparibok digdi sa satong syudad.

Mga Gibo 17:6

Kan dai ninda nakua an mga ini, ginuyod ninda si Jason saka an nagkapirang tugang asin dinara sa mga awtoridad kan syudad. Nagkurahaw sinda, “Linaog an satong syudad kan mga tawong nagpaparibok saen man sinda makaabot;

Mga Gibo 24:5

Naaraman mi na an tawong ini ginigikanan nin ribok. Pinaparibok niya an mga Judio saen man na lugar. Lider siya kan grupo nin mga Nazareno.

Mga Gibo 28:22

Kaya boot ming madangog an saimong mga sasabihon, huli ta aram ming maski saen na lugar, nagtataram an mga tawo tumang sa sektang iyan na kinabibilangan mo.”