Jeremias 38:22 - Marahay na Bareta Biblia

²² Nahiling ko sa bisyon na ilinuluwas kan mga opisyal kan hade nin Babilonia an gabos na babaeng natada sa palasyo sa Juda. Hinanyoga an sinasabi ninda mantang naglalakaw sinda, ‘An Hade dinaya kan pinakaharani niyang mga katood, asin dinaog ninda siya. Ngunyan na nag-irarom sa laboy an saiyang mga bitis, binayaan siya kan saiyang mga katood.’”

Jeremias 38:22 ပူးပေါင်းရင်းမြစ်များ

An Libro ni Job 6:15

Alagad dinaya nindo ako mga tugang, kamo na siring sa mga sapa na minamara kun mayo nin uran;

Salmo 41:9

Maski an katood na sakong pinaniwalaan, an nagkakan sa kaibahan ko, ngunyan nagtumang sa sako.

Salmo 69:14

Ligtasan ako sa pag-irarom sa laboy; agawa ako sa sakong mga kaiwal, asin sa mga tubig na hararom.

Salmo 69:2

Nag-iirarom ako sa laboy, asin mayo nin daga na matutongtongan. Nakakaabot ako sa tubig na hararom, nalalantopan ako kan mga alon.

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Jeremias 13:21

Ano an sasabihon mo kun sakopon ka saka pinaghadean kan mga tawong pinaghohona mong mga katood? Makukulogan ka arog sa sarong babaeng nangangaki.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 27:14

Dai ka maghinanyog sa mga propeta na nagsasabi saimo na dai ka maglingkod saiya. Dinadaya ka ninda.

Jeremias 27:15

An Kagurangnan mismo an nagtaram na dai niya sinda sinugo, alagad putik na nagpopropesiya sinda sa saiyang ngaran kaya aalawon ka niya asin magagadan ka, kaiba an mga propeta na nagtataram saimo kan mga kaputikan na ini.”

Jeremias 38:19

Nagsimbag an hade, “Natatakot ako sa mga Judio na nag-apil sa mga taga Babilonia. Tibaad itao ako sainda saka pasakitan.”

Jeremias 38:21

Alagad ipinahiling sako nin Kagurangnan sa sarong bisyon an mangyayari kun dai ka magsuko.

Jeremias 41:10

Dangan ibinilanggo niya an mga aking babae kan hade asin an iba pang tawo sa Mizpa na ibinugtak ni Nebuzaradan, an pinakahalangkaw na opisyal, sa irarom kan pamamahala ni Gedalias. Binihag sinda ni Ismael asin dinara sinda sa Ammon.

Jeremias 43:6

mga lalaki, mga babae, mga aki, asin an mga aking babae kan hade. Dinara ninda an lambang tawo na ibinugtak ni Nebuzaradan, an pinakahalangkaw na opisyal, sa pamamahala ni Gedalias; kaiba ako asin si Baruc sa mga dinara ninda.

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Jeremias 6:12

An saindang mga harong itatao sa iba, siring man an saindang mga oma saka mga agom na babae. Papadusahan ko an mga nag-eerok sa dagang ini.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Mga Panambitan 1:13

“Hale sa itaas nagpadara siya nin kalayo, na nag-irarom sagkod sa mga tolang ko. Nagbugtak siya nin siod para sa sakong mga bitis, dangan binayaan niya ako; binayaan na namumungnan, nakukulogan sa bilog na aldaw.

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 5:11

An samong mga agom linupigan sa Bukid nin Sion, an mga birhen sa mga banwa nin Juda.

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.