Jeremias 38:2 - Marahay na Bareta Biblia

² na an Kagurangnan nagtaram nin siring, “Magagadan sa gera o sa gutom o sa peste an siisay man na padagos na mag-erok sa syudad na ini. Alagad an magluwas saka magsuko sa mga taga Babilonia mabubuhay; ikakaligtas niya an saiyang buhay.”

Jeremias 38:2 ပူးပေါင်းရင်းမြစ်များ

Jeremias 21:4

na sabihan ninda si Zedekias na an Kagurangnan, an Dios nin Israel, nagtaram nin siring, “Zedekias, dadaogon ko an saimong hukbo na nakikilaban sa hade nin Babilonia asin sa saiyang hukbo. An mga armas kan saimong mga soldados tatambakon ko sa tahaw kan syudad.

Jeremias 24:8

“Alagad manongod ki Hadeng Zedekias nin Juda, sa saiyang mga lider, sa iba pang mga taga Jerusalem na nagpawalat sa dagang ini o nagduman sa Egipto—ako, an Kagurangnan, an matratar sainda siring sa ralapang higera na dai pwedeng kakanon.

Jeremias 27:11

Alagad an nasyon na magpasakop sa hade nin Babilonia saka maglingkod saiya, tutugotan kong magdanay sa sadiri niyang daga, na mag-oma saka mag-erok diyan. Ako, an Kagurangnan, an nagtaram.”

Jeremias 27:13

Tano ta mapagadan ka asin an saimong banwaan sa gera, sa gutom o sa peste? Iyan an sinabi nin Kagurangnan na mangyayari sa arin man na nasyon, na habong maglingkod sa hade nin Babilonia.

Jeremias 29:16

Hinanyoga nindo an sinasabi nin Kagurangnan manongod sa hade na nagtutukaw sa trono ni David, asin an manongod sa mga tawong nag-eerok sa syudad na ini, sa mga kadugo nindo na dai dinarang bihag kaiba nindo.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 39:18

Ililigtas taka; dai ka magagadan. Ililigtas ko an saimong buhay bilang regalo nin ralaban huli ta nanarig ka sako. Ako, an Kagurangnan, an nagtaram.”

Jeremias 42:17

An gabos na tawo na boot nanggad na magduman saka mag-erok sa Egipto magagadan sa gera o sa gutom o sa peste. Mayo sainda nin matatada, maski saro dai makakadulag sa kasakitan na dadarahon ko sainda.’

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Jeremias 44:13

Papadusahan ko an mga nag-eerok sa Egipto, siring na pinadusahan ko an Jerusalem sa paagi nin gera, gutom, saka peste.

Jeremias 45:5

Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 6:11

Nagtaram an Kagurangnan Dios, “Gugoma an mga kamot mo! Iparagpadag mo an saimong mga bitis! Maghibi ka sa kamondoan huli kan gabos na maraot saka makauuyam na mga bagay na ginibo kan mga Israelita. Magagadan sinda sa gera o sa gutom o sa peste.

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.