Jeremias 38:19 - Marahay na Bareta Biblia

¹⁹ Nagsimbag an hade, “Natatakot ako sa mga Judio na nag-apil sa mga taga Babilonia. Tibaad itao ako sainda saka pasakitan.”

Jeremias 38:19 ပူးပေါင်းရင်းမြစ်များ

2 Mga Cronica 30:10

An mga sinugo naglibot sa lambang syudad sa bilog na teritoryo kan mga tribu ni Efraim saka ni Manases, sagkod sa harayong tribu ni Zabulon, alagad pinagngisihan asin pinagtuyatuya sinda kan mga tawo.

Nehemias 4:1

Kan madangog ni Sanballat na pinapatindog mi giraray an kudal, naanggot siya asin tinuyatuya niya an mga Judio.

An Libro ni Job 31:34

Dai ako natakot sa anoman na sasabihon kan mga tawo; dai ako nag-alo, ni nag-ontok sa laog kan harong huli ta natakot ako kan saindang pag-olog-olog.

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 38:22

Nahiling ko sa bisyon na ilinuluwas kan mga opisyal kan hade nin Babilonia an gabos na babaeng natada sa palasyo sa Juda. Hinanyoga an sinasabi ninda mantang naglalakaw sinda, ‘An Hade dinaya kan pinakaharani niyang mga katood, asin dinaog ninda siya. Ngunyan na nag-irarom sa laboy an saiyang mga bitis, binayaan siya kan saiyang mga katood.’”

Jeremias 38:5

Nagsimbag si Hadeng Zedekias, “Giboha nindo an gusto nindo saiya; dai ko kamo pwedeng pugolan.”

Jeremias 39:9

Pakatapos, dinara ni Nebuzaradan, an pinakahalangkaw na opisyal kan hukbo, an mga tawong natada sa syudad bilang mga bihag sa Babilonia, kaiba an mga nagdulag sa syudad tanganing magkampi saiya.

Juan 12:42

Alagad, dakul na lider kan mga Judio an nagtubod ki Jesus; alagad dai sana ninda ini ipinahayag huli ta takot sinda sa mga Fariseo—tibaad isikwal sinda kan mga ini sa sinagoga.

Hukom 9:54

Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.

1 Samuel 31:4

Sinabihan ni Saul an paradara kan saiyang mga armas, “Hugkota an saimong espada asin gadana ako, tanganing dai ako pag-olog-ologon kan bakong sirkomsisyonadong mga Filisteong ini.” Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.