Jeremias 38:18 - Marahay na Bareta Biblia

¹⁸ Alagad kun dai ka magsuko, itatao an syudad na ini sa mga taga Babilonia. Susuloon ninda ini, asin dai ka makakadulag sainda.”

Jeremias 38:18 ပူးပေါင်းရင်းမြစ်များ

2 Mga Hade 24:12

Kaya nagsuko saiya si Hadeng Jehoiakin, an ina niya, an mga aki niyang lalaki, an mga pamayo kan hukbo asin an mga opisyal sa palasyo. Kan ikawalong taon kan paghahade ni Nebukadnezzar, binihag niya si Jehoiakin,

Jeremias 21:10

Nagdesisyon na ako na dai iligtas an syudad na ini kundi raoton. Itatao ini sa hade nin Babilonia, asin susuloon niya ini. Ako, an Kagurangnan, an nagtaram.”

Jeremias 27:8

“Alagad kun dai maglingkod ki Nebukadnezzar na hade nin Babilonia an arin man na nasyon o kahadean, asin dai magpairarom sa saiyang kapangyarihan, papadusahan ko an nasyon na iyan sa paagi nin gera, gutom saka peste sagkod na dai ko pa itinutugot ki Nebukadnezzar na raoton nanggad an nasyon na iyan.

Jeremias 37:8

Dangan maabot giraray an mga taga Babilonia. Sasalakayon ninda an syudad, sasakopon saka susuloon.

Jeremias 38:23

Nagsabi pa ako, “Dadarahon kan mga taga Babilonia an gabos mong agom saka aki; dai ka makakadulag sainda. Dadarahon ka bilang sarong bihag kan hade nin Babilonia, asin susuloon an syudad na ini.”

Jeremias 38:3

Sinabihan ko man sinda na an Kagurangnan nagtaram nin siring, “An syudad na ini itatao ko sa hukbo nin Babilonia dangan sasakopon ninda.”

Jeremias 39:3

Kan nasakop an Jerusalem, nag-abot an gabos na halangkaw na opisyal kan hade nin Babilonia dangan nagtukaw sa Pagultanan na Trangkahan. Kaiba ninda si Nergalsarezer, Samgar-nebo, Sarsekim saka saro pang Nergal-sarezer.)

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Ezekiel 12:13

Alagad bibikladon ko an sakong hikot asin dadakopon ko siya. Dangan dadarahon ko siya sa Babilonia. Magagadan siya duman na dai nahihiling an lugar na idto.

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?