Jeremias 37:19 - Marahay na Bareta Biblia

¹⁹ Ano an nangyari sa saimong mga propeta na nagsabi saimo na an hade nin Babilonia dai masalakay saimo ni kan nasyon na ini?

Jeremias 37:19 ပူးပေါင်းရင်းမြစ်များ

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 29:31

padarahan an gabos na bilanggo sa Babilon kan mensaheng ini manongod ki Semaias: “Ako, an Kagurangnan, an mapadusa ki Semaias asin sa gabos niyang kapagarakian. Dai ko siya sinugo, alagad nagtaram siya saindo na garo baga siya sarong propeta saka pinatubod niya kamo sa kaputikan. Dai siya magkakaigwa nin mga kapagarakian sa kaibahan nindo. Dai siya mabubuhay tanganing mahiling an mararahay na bagay na gigibohon ko para sa sakong banwaan, huli ta tinaraman niya sinda na magrebelde tumang sako. Ako, an Kagurangnan, an nagtaram.”

Jeremias 6:14

Para sainda, an mga lugad kan sakong banwaan, mga kamros sana. Minasabi sinda na igwa nin katoninongan, maski mayo nin katoninongan.

Jeremias 8:11

Para sainda, an mga lugad kan sakong banwaan mga kamros sana. Minasabi sinda na igwa nin katoninongan maski mayo man nin katoninongan.

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Ezekiel 13:2

“Aki nin tawo, magpropesiya ka laban sa mga propeta nin Israel, na nag-iimbento kan sadiri nindang propesiya. Sabihan mo sinda na magdangog sa tataramon nin Kagurangnan!”

Ezekiel 13:6

Bakong totoo an saindang mga bisyon asin kaputikan an saindang mga kapahayagan manongod sa maabot na panahon. Minasabi sindang ipinapahayag ninda an sakong mensahe, alagad dai ko sinda sinugo. Minsan siring, naghahalat sindang magkakatotoo an saindang pahayag!

Deuteronomio 32:38

Pinakakan nindo sinda kan taba kan saindong mga atang, pinainom nindo sinda kan dolot na arak. Padigdiha sinda tanganing tabangan kamo; padoloka sinda sa pagligtas saindo.