Jeremias 37:15 - Marahay na Bareta Biblia

¹⁵ Anggot sinda nin marahay sako; hinampak ninda ako saka ibinilanggo sa harong ni Jonatan, an sekretaryo, huli ta an harong niya ginibo nang sarong bilanggoan.

Jeremias 37:15 ပူးပေါင်းရင်းမြစ်များ

Genesis 39:20

Ipinadakop niya si Jose asin ipinabilanggo sa namumugtakan kan mga bilanggo kan hade.

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

2 Mga Cronica 18:26

Sabihan nindo sinda na ibilanggo ninda an tawong ini asin dikit sanang tinapay saka tubig an itao saiya sagkod na magbalik akong tiwasay.”

Jeremias 18:23

Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 26:16

Dangan tinaraman kan mga lider asin kan mga tawo an mga padi saka an mga propeta, “An lalaking ini dai maninigong padusahan nin kagadanan huli ta nagtaram siya sato sa ngaran nin Kagurangnan na satong Dios.”

Jeremias 32:2

Kan panahon na idto, sinasalakay an Jerusalem kan hukbo kan hade nin Babilonia, asin nabibilanggo ako sa patyo kan palasyo kan hade nin Juda.

Jeremias 37:20

Kaya ngunyan, mahal na hade, nakikimaherak ako na hinanyogon mo ako saka gibohon an hahagadon ko. Dai mo na ako ipagbalik sa harong ni Jonatan na sekretaryo. Magagadan ako duman.”

Jeremias 37:4

Dai pa ako kaidto ibinilanggo asin mayo nin kaolangan na naglakaw ako sa kaibahan kan mga tawo.

Jeremias 38:26

Sabihan mo sinda na nakimaherak ka sako na dai ka na ibalik sa bilanggoan tanganing dai magadan duman.”

Jeremias 38:6

Kaya kinua ninda ako saka itinunton sa bubon ni Prinsipe Malkias, na yaon sa patyo kan palasyo. Bakong tubig kundi laboy an laog kan bubon, asin nag-irarom ako sa laboy.

Jeremias 39:15

Kan nabibilanggo pa ako sa patyo kan palasyo, tinaraman ako nin Kagurangnan

Mateo 21:35

Alagad pinurugol kan mga tumatawo an mga sorogoon dangan may pinakol, may ginadan asin may ginapo sainda.

Mateo 23:34

Kaya papadarahan ko kamo nin mga propeta, nin mga tawong madonong asin nin mga paratukdo. Alagad an iba sainda gagadanon nindo, an iba ipapako sa krus, an iba hahampakon sa mga sinagoga, asin pepersegiron sinda sa binurubanwa.

Lukas 22:64

Tinahoban ninda an saiyang mga mata dangan hinapot, “Ukodan mo, siisay an nagsampaling saimo?”

Juan 18:22

Pakataram kaini ni Jesus, sinampaling siya kan saro kan mga bantay asin sinabihan, “Arog kaiyan an pagsimbag mo sa Halangkaw na Padi?”

Mga Gibo 5:18

Dinakop ninda an mga apostol saka ibinilanggo.

Mga Gibo 5:28

“Pinagbotan mi na kamo na dai magtukdo sa ngaran ni Jesus, alagad hilinga kun ano an saindong ginibo! Pinalakop nindo an saindong katukdoan sa bilog na Jerusalem asin boot nindong basolon kami kan saiyang pagkagadan!”

Mga Gibo 5:40

Ipinaapod ninda an mga apostol, ipinahampak saka pinatanidan na dai na nanggad magtaram sa ngaran ni Jesus. Pakatapos, pinahale sinda.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.