Jeremias 37:10 - Marahay na Bareta Biblia

¹⁰ Maski pa madaog mo an bilog na hukbo nin Babilonia, kun kaya mayo nin matada sainda kundi an mga nalugadan na nasa saindang mga tolda, mabangon an mga lalaking ini saka susuloon ninda an syudad.”

Jeremias 37:10 ပူးပေါင်းရင်းမြစ်များ

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 13:15

An siisay man na madakop sasaksakon sagkod na magadan.

Isaias 14:19

alagad mayo ka nin lulubngan, asin itinapok sana an saimong bangkay tanganing maglapa. Natahoban iyan kan mga bangkay kan mga soldados na nagkagaradan sa gera, na itinapok kaiba kan mga iyan sa sarong kalot, dangan pinagtimaktimakan.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Jeremias 21:10

Nagdesisyon na ako na dai iligtas an syudad na ini kundi raoton. Itatao ini sa hade nin Babilonia, asin susuloon niya ini. Ako, an Kagurangnan, an nagtaram.”

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 37:11

Naghale sa Jerusalem an hukbo nin Babilonia huli ta nagdadangadang an hukbo nin Egipto.

Jeremias 37:8

Dangan maabot giraray an mga taga Babilonia. Sasalakayon ninda an syudad, sasakopon saka susuloon.

Jeremias 49:20

Kaya hinanyoga an plano ko laban sa mga taga Edom, asin an boot kong gibohon sa mga taga Teman. Maski an mga saradit nindang aki guguyodon, asin magkakatirikbahan an lambang saro.

Jeremias 50:45

Kaya hinanyoga an plano ko laban sa syudad nin Babilon asin an boot kong gibohon sa namamanwaan kaiyan. Maski an mga saradit nindang aki kukuahon, asin magkakatirikbahan an lambang saro.

Jeremias 51:4

Malulugadan sinda saka magagadan sa mga tinampo kan saindang mga syudad.

Mga Panambitan 1:15

“Nginisihan nin Kagurangnan an makokosog kong mga soldados. Sarong hukbo an inatubang niya sako tanganing ronoton an mga hoben kong lalaki. Siring sa mga ubas, an aking daraga nin Juda tinimaktimakan nin Kagurangnan.

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?