Jeremias 36:9 - Marahay na Bareta Biblia

⁹ Kan ikasiyam na bulan kan ikalimang taon kan paghahade ni Jehoiakim sa Juda, nag-ayuno an mga tawo tanganing mawilihan sinda nin Kagurangnan. Nag-ayuno an gabos na nag-eerok sa Jerusalem asin an gabos na nag-arabot hale sa mga banwa nin Juda.

Jeremias 36:9 ပူးပေါင်းရင်းမြစ်များ

2 Mga Cronica 20:3

Natakot si Jehosafat asin namibi sa Kagurangnan. Nagboot siya nin pag-ayuno sa bilog na Juda.

Nehemias 9:1

Kan ikabeynte y kwatrong aldaw kan bulan na idto, nagtiripon an banwaan nin Israel sa pag-ayuno asin pagmondo para sa saindang mga kasalan. Nagsulot sinda nin sako saka nagbugtak nin daga sa saindang mga payo bilang tanda nin pagmondo.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Jeremias 36:1

Kan ikaapat na taon kan paghahade sa Juda ni Jehoiakim, na aking lalaki ni Josias, nagtaram sako an Kagurangnan,

Jeremias 36:22

Tiglipot kaidto asin an hade nagtutukaw sa palasyo niyang para sa tiglipot, na atubang sa kalayo.

Jeremias 36:6

Alagad boot kong dumuman ka sa masunod na pag-ayuno kan mga tawo. Basahon mo nin makosog an kasuratan, tanganing madangog ninda an gabos na itinaram sako nin Kagurangnan, na ipinasurat ko man saimo. Magtindog ka sa lugar na madadangog ka kan gabos, sagkod kan mga taga Juda na maarabot hale sa saindang mga banwa.

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Jonas 3:5

Nagtubod sa mensahe nin Dios an mga taga Nineve. Kaya nagkasararo sinda na mag-ayuno, asin an gabos naggubing nin sako sa pagpahiling kan saindang pagsolsol.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Hukom 20:26

Dangan nagduman sa Betel an gabos na Israelita asin nagmondo. Nagturukaw sinda sa atubang nin Kagurangnan asin dai nagkakan sagkod sa banggi. Nagdolot sinda nin mga tinutong na atang asin mga dolot para sa katoninongan sa atubang nin Kagurangnan.

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)