Jeremias 36:7 - Marahay na Bareta Biblia

⁷ Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 36:7 ပူးပေါင်းရင်းမြစ်များ

2 Mga Hade 22:13

“Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

2 Mga Hade 22:17

Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Cronica 34:21

“Magduman kamo dangan makihumapot sa Kagurangnan para sako asin para sa natatada sa mga taga Israel saka Juda, manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an mga tataramon nin Kagurangnan, asin dai ginibo an gabos na ipinagboboot kan librong ini.”

Jeremias 1:3

Kinaolay giraray siya nin Kagurangnan kan an hade iyo si Jehoiakim na aking lalaki ni Josias. Pakalihis kaidto, kadakul pang beses na kinaolay siya nin Kagurangnan sagkod kan pagkabihag kan mga taga Jerusalem. Nangyari ini kan ikalimang bulan kan ikaonseng taon kan paghahade ni Zedekias na aking lalaki ni Josias.

Jeremias 16:10

“Kun sabihan mo sinda kan gabos na ini, hahapoton ka ninda kun tadaw ta nagpahayag ako na padusahan sinda nin magabat. Mahapot sinda kun anong krimen an naginibo ninda asin kun anong kasalan an ginibo ninda tumang sa Kagurangnan na saindang Dios.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 21:5

Lalabanan taka sa bilog kong kosog, kaanggotan asin makuring kabangisan.

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 26:3

Tibaad maghinanyog an mga tawo saka talikodan ninda an maraot na pamumuhay. Kun gibohon ninda iyan, babagohon ko an sakong desisyon manongod sa paggaba na inisip kong dadarahon sainda huli kan gabos na karatan na ginigibo ninda.”

Jeremias 36:3

tanganing kun madangog kan mga taga Juda an gabos na karatan na boot kong darahon sainda, tibaad magbakle sinda sa mga maraot nindang gawe. Dangan papatawadon ko sinda kan mga karatan asin kasalan ninda.”

Jeremias 37:20

Kaya ngunyan, mahal na hade, nakikimaherak ako na hinanyogon mo ako saka gibohon an hahagadon ko. Dai mo na ako ipagbalik sa harong ni Jonatan na sekretaryo. Magagadan ako duman.”

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 12:3

“Kaya ngunyan, aki nin tawo, mag-andam ka nin kagamitan nin sarong itinapok asin maghale ka bago magdiklom. Kaipuhan mahiling kan gabos an saimong paghale pasiring sa ibang lugar. Tibaad pa masabotan ninda na sinda mga rebelde.

Ezekiel 13:13

Kaya ini an tataramon nin Kagurangnan Dios: “Sa sakuyang kaanggotan, mapadara ako nin bagyo saka uran, nin makosog na uran, nin yelo tanganing rumpagon an kudal.

Ezekiel 20:33

“Siring na ako an Kagurangnan Dios na buhay, pinapatanidan ko kamo na sa sakong kaanggotan, gagamitan ko kamo nin makosog asin nakaunat na kamot sa sakong paghahade.

Ezekiel 22:20

siring na tinitipon nin mga tawo an lata, bronse, lansang, saka timga sa sarong horno tanganing tunawon. Tutunawon ko man sinda kan sakong labi-labing kaanggotan.

Ezekiel 5:13

“An gabat kan sakong kaanggotan mamamatean mo sagkod na makontento ako. Kun mangyari na an gabos na ini, maaaraman mo na ako, an Kagurangnan, an nagtaram saimo huli ta anggot ako sa saimong bakong pagkamaimbod.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Daniel 9:18

Hinanyoga kami, O Dios; hilinga kami asin an kasakitan na samong tinitios patin an tinitios kan syudad na nagdadara kan saimong ngaran. Namimibi kami saimo huli ta maheherakon ka, bakong huli ta matanos an samong gibo.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Jonas 3:8

An gabos na tawo saka hayop dapat na magsulot nin sako. An lambang saro kaipuhan maigot na magpamibi sa Dios, asin talikodan an saiyang maraot na ugale saka maraot na mga gawe.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.