Jeremias 36:31 - Marahay na Bareta Biblia

³¹ Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Jeremias 36:31 ပူးပေါင်းရင်းမြစ်များ

Salmo 94:23

Papadusahan niya sinda huli kan saindang karatan, tutunawon niya sinda huli kan saindang mga kasalan; gagadanon sinda nin Kagurangnan na satuyang Dios.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Jeremias 11:8

Alagad dai sinda naghinanyog ni nagkuyog, kundi an lambang saro nagdanay sa katagasan kan saiyang makasalan na puso. Pinagbotan ko sinda na otobon an sakong tipan, alagad habo ninda akong kuyogon. Kaya dinara ko sainda an gabos na padusa na sinasabi sa sakong tipan.”

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 23:34

Kun saro sa sakong banwaan o sarong propeta o sarong padi an maggamit kan mga tataramon na ‘an pasanon nin Kagurangnan’, papadusahan ko siya sagkod an saiyang pamilya.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 52:2

Ginibo niya an maraot sa atubang nin Kagurangnan, sosog sa gabos na ginibo ni Jehoiakim.

Ezekiel 7:8

“Madali ko nang iula saimo an sakuyang kaanggotan; huhukoman taka sosog sa saimong mga ginibo, asin papadusahan taka huli kan saimong makauuyam na mga gawe.

Ezekiel 7:9

Dai taka paliligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan, asin ako an nagpapadusa saimo.”

Levitico 26:14

“Alagad kun dai nindo ako dangogon asin dai nindo gibohon an mga pagboot ko, papadusahan ko kamo.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!